'Nëse opozita s'prezanton kandidatët këtë muaj, rrezikon zgjedhjet', Lefter Maliqi: Më kanë telefonuar Topalli e Duka! Koalicion me PS? Kurrë mos thuaj kurrë!

Deputeti Lefter Maliqi në një intervistë për Report TV ka deklaruar janari do ta gjejë me një forcë politike. Se me kë do të garojë në zgjedhjet e ardhshme parlamentare këtë Maliqi tha se do ta vendosë kur të formohen koalicionet. Por ndërsa tha se momentalisht anon nga opozita, ai nuk përjashtoi mundësinë për t'iu bashkuar PS, gjë e cila do të varet dhe nga mëyra si do të veprojë opozita.

Në vazhdën e bisedimeve se kujt force do t'i bashkohet në zgjedhjet e ardhshme, ndërkaq ai ka treguar se është telefonuar nga kryetarja e partisë Lëvizja për Ndryshim, Jozefina Topalli dhe nga kreu i PAA Agron Duka, dhe nga disa forca të tjera opozitare, të cilat siç tregon Maliqi nuk i ka refuzuar por iu ka thënë se do të vendosë pasi të shohë si do të formohen koalicionet.

"Ka qenë dëshira ime ky qëndrim prej dy vjetësh sepse ku të doja mund të isha varur diku. Janari do më gjejë me një forcë politike. Koalicioni që do mbështes do të jetë fitore në qarkun e Beratit. Unë kam kontributin tim elektoral dhe i kam dhënë provat në çdo fushatë dhe sfidë elektorale. Unë kam shumë miq të majtë dhe të djathtë. Unë bëj opozitën në parlament por kam shumë miq të mazhorancës. Kjo ka të bëjë me qëndrimet e mia. Në janar do jem i rreshtuar. Eelektorati që përfaqësoj do gjejë drejtimin e duhur. Jam kontaktuar me forcat opozitare, nuk kam refuzuar por kam thënë do shof koalicionet e do vendos.

LEXO EDHE:
Sulmet e Metës, deputetja e PS: Shqetësuese! Protesta para bashkisë? Hipokrizi, një grup njerëzish po përdoren për interesa politike

Me Topallin kam folur në telefon me Murrizin jam takuar. Edhe me dukën kam folur. Me Topallin njihemi dhe më parë kam pasur kontakte. Me Topallin ka qenë një bisedë siç është me PS me LSI. Do shoh programet e tyre dhe do vendos. Dua t'ju them se asnjërit nuk i jam vetëofruar. Përgjigjen ta dhashë asnjë lideri s'i kam kërkuar takim. Do t'u kërkoj. Në bazë të bisedave, kur të krijohen koalicionet mund të jem unë iniciatori që do t'u drejtohem atyre", tha ai.

Një paralajmërim ka bërë dhe për opozitën duke thënë se nëse nuk shpallin koalicionet në dhjetor, sipas tij rrezikojnë zgjedhjet.

"Unë aktualisht vazhdoj të jem i zhgënjyer për shkak të mosmbajtjes së premtimit. Opozita e bashkuar është me vonesë duhet të dalë drejt fitores të dalë në terren. Nëse nuk prezanton kandidatët në dhjetor rrezikon zgjedhjet. Qarku i Beratit ka rreth 200 fshatra. Do shumë punë, është figura e deputetit ai që do të bëjë ndryshimin", shtoi më tej Maliqi.

Ndërsa tha se momentalisht anon nga opozita, ai nuk përjashtoi dhe mundësinë për t'u bashkuar me PS në zgjedhje, duke thënë se në politikë "kurrë nuk mund të thuash kurrë".

"Nuk jap asnjë koment pa parë koalicionet, e rëndësishme për mua është ti shërbej elektoratit. Misioni im është i lidhur me socialistët e zhgënjyer dhe demokratët që kërkojnë ndryshim. Në politikë kurrë nuk thuhet kurrë", tha më tej deputeti.

"Ende vijoj të kem vlerësim për Sali Berishën dhe Ilir Metën. Në këto momente jam te koalicioni opozitar", kështu u përgjigj Maliqi teksa u pyet nga gazetari se kë zgjedh midis Topallit dhe kreut demokrat Lulzim Basha.

/r.k./Shqiptarja.com

TAG:
• LSI
• PS
• lulzim basha
• PD
• jozefina topalli
• agron duka
• lefter maliqi
• zgjedhjet e 2021