'Nëse s'ka vullnet për Reformën Zgjedhore bëjmë dhe pa bipartizanizëm', Bardhi reagon për deklaratën e Ramës: Antidemokratike

Gazment Bardhi ka reaguar pas deklaratave të kryeministrit Edi Rama i cili nga Lezha, u shpreh se nëse opozita nuk vjen në komisionin bipartizan për Reformën Zgjedhore, mazhoranca mund të vazhdojë punën e vetme. Deklarata u quajt skandaloze nga ana e Gazment Bardhit, i cili tha se reforma duhet konsensuale.

"Edi Rama nuk ka interes të bëjë asnjë reformë që i sherben qytetarëve shqiptareve. Pohimi në publik se po djeg me vetëdije Komisionin e Reformës Zgjedhore që të mos u japë shqiptarëve një reformë konsensuale dhe gjithëpërfshirëse që garanton standartet minimale për zgjedhje të lira dhe të ndershme, tregon edhe njëherë mendësinë e rrezikshme antidemokratike që ka Kryeministri i Shqipërisë për të mbajtur pushtetin me mjete antidemokratike. 

LEXO EDHE:
Vijojnë punimet për Urën e Madhe të Kukësit mbi Drin (VIDEO)

Deklaratat e sotme të Edi Ramës provojnë edhe njeherë sesa e drejtë është beteja e opozitës në Kuvend. Shipëria ka nevojë për një Reformë Zgjedhore reale, konsensuale dhe gjithëpërfshirëse që adreson të gjitha rekomandimet e OSBE-ODIHR dhe që krijon kushtet e barabarta të garës reale për çdo palë politike në zgjedhje", thuhet në reagimin e Bardhit.

Lajmi kryesor:

Komisioni i Reformës Zgjedhore, Rama: Nëse s'ka vullnet për konsensus bëjmë dhe pa bipartizanizëm! Bardhi: Mendësi antidemokratike

B.K/Shqiptarja.com

TAG:
• edi rama
• gazment bardhi