Kryeministri serb Millosh Vuçeviç është shprehur se nuk ka pritshmëri të mëdha nga sesioni i Këshillit të Sigurimit të 30 tetorit, ku do të prezantohet raporti i sekretarit të përgjithshëm Antonio Guterres për situatën në Kosovë.
Pas një aktiviteti me nxënës në shkolla të mesme, Vuçeviç tha para gazetarëve se çdo diskutimin për Kosovën në Këshillin e Sigurimit do të tregojë ndasitë e qarta, mes vendeve që e njohin pavarësinë dhe ata që siç tha, respektojnë sovranitetin e Serbisë në përputhje me të drejtën ndërkombëtare dhe kartën e OKB.
“Ata që respektojnë të drejtën publike ndërkombëtare do të vënë në dukje shkeljen e të drejtave dhe lirive themelore të njeriut, që fatkeqësisht ndodh çdo ditë ndaj serbëve dhe joshqiptarëve të tjerë në territorin e Kosovës-Metohisë”, pretendoi kryeministri I Serbisë.
Vuçeviç gjithashtu vuri në dukje se qeveria e tij kishte miratuar të hënën një projektligj që e shpall “Krahinën Autonome të Kosovës-Metohisë zonë të mbrojtjes së veçantë sociale”.
“Në këtë mënyrë, qeveria kërkon të stimulojë dhe forcojë më tej komunitetin serb dhe të gjithë ata qytetarë në Kosovë-Metohi që e shohin veten si qytetarë të Republikës së Serbisë”, shtoi Vuçeviç.
Më tej tha se sipas ndryshimeve të reja në legjislacionin për organizimin e gjyqësorit, Prokuroria e Lartë Publike në Beograd do të ketë një departament të posaçëm që do të jetë përgjegjës për ndjekjen penale të të gjitha krimeve të kryera në Kosovë që nga viti 2008 dhe se Gjykata e Lartë në Beograd do të të jetë kompetent për të gjykuar krime të tilla.
Ai shtoi se të gjitha aktet e miratuara në Kosovë-Metohi që nga viti 2008 që janë në kundërshtim me marrëveshjet e arritura nga Beogradi dhe Prishtina si dhe me aktet legjislative dhe kushtetuese të Serbisë do të shpallen të paligjshme.
Lajme të tjera
-
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Kosovë/ Policia sekuestron një sasi të madhe të armëve të ftohta në Prishtinë
23 Dhjetor, 14:10
