Nesër Kurban Bajrami, në Mekë vetëm besimtarët e vaksinuar

Nesër Kurban Bajrami, në Mekë vetëm besimtarët e vaksinuar

Nesër, besimtarët myslimanë në mbarë botën festojnë festën e Kurban Bajramit, që festohet gjithnjë 2 muaj pas muajit të shenjtë të Ramazanit.

Besimtarët myslimanë, të vaksinua kundër COVID-19 i janë drejtuar tashmë Haxhit në Mekë, për të kryer ritin e përvitshëm për faljen e Kurban Bajramit, që edhe këtë vit do të festohet nën kufizime të shumta.

Vetëm 60 mijë besimtarë janë lejuar  të vizitojnë Mekën këtë vit, në krahasim me numrin e jashtëzakonshëm të para pandemisë, ku në Arabinë Saudite mbërrinin mesatarisht 2.5 milionë besimtarë.

Këtë vit janë lejuar vetëm besimtarët e vaksinuar, mes moshave nga 18 deri në 65 vjeç dhe ata që nuk vuajnë nga sëmundje kronike.

Xhamia e madhe në Mekë është dezinfektuar përpara mbërritjes së besimtarëve, ndërsa atyre që do të falin bajramin aty, do t’u mundësohet një byzylyk elektronik për t’i gjurmuar.

Kamerat termike në hyrjet e Xhamisë së Madhe kontrollojnë temperaturat e personave. Grupet e vogla të pelegrinëve që mbajnë maska ​​që nga e Shtuna kanë filluar lutjen rreth Qabes, pas saj pelegrinët do të nisen drejt Luginës së Minës, 7 km në veri-lindje të Xhamisë së Madhe në Mekë, ku ata do ta kalojnë ditën me lutje para se të shkojnë në malin Arafat, ku Profeti Muhamed dha predikimin e tij të fundit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Ekskluzive/ Parti të re pasi humbi vulën e PD? Lulzim Basha nesër vendos fatin e tij politik

Ekskluzive/ Parti të re pasi humbi vulën e PD? Lulzim Basha nesër vendos fatin e tij politik