Autoriteti Rrugor Shqiptar do të kryejë gjatë ditës së nesërme punime intensive në segmentin rrugor Elbasan – Librazhd, konkretisht në vendin e quajtur “Shkëmbi i Murrashit” vend që herë pas here krijohen probleme si pasojë e rrëshqitjes së dherave e gurëve nga skrapatet anësorë të rrugës.
 
Për të vijuar punimet, pa ndërprerje, dhe përfundimin e tyre në një hark kohor të shkurtër, Autoriteti Rrugor Shqiptarë kërkon bashkëpunimin dhe mirëkuptimin e përdoruesve të rrugës, për të minimizuar qarkullimin në këtë aks rrugor.
 
Rrëshqitja e dherave e gurëve shkaktohet nga reshjet e shiut të cilat sjellin rënjen e gurëve nga shkëmbi që është i pozicionuar sipër trasesë së rrugës.
 
Kjo ka ndikuar në pezullimin e herëpashershëm të trafikut, për shkak të rrezikut që shfaq tek drejtursit e automjeteve por edhe pasagjerët.
 
 
Redaksia Online
(F.T/shqiptarja.com)