TIRANË- Ditën e nesërme do të mbahet Kuvendi Kombëtar i thirrur nga Lulzim Basha, ndërsa Marash Logu, këshilltar i grupit parlamentar të PD-së shpjegoi në Report Tv sesi do të verifikohet kuorumi i nevojshëm për nisjen e punimeve. Në ‘Studio Live’ me gazetarin Arbër Hitaj, Logu tha se kryetarët e degëve të PD-së ose sekretarët do të jenë përgjegjës për verifikimin e delegatëve që më pas do t’i kalojnë komisionit. Për të mbajtur Kuvendin Kombëtar duhet të jenë të pranishëm 3824 delegatë nga 7647 që ka gjithsej partia.
“Së pari delegatët e PD vijnë nga degët që ka rreth 71 degë, dhe secili kryetar caktohet si person përgjegjës për të verifikuar a janë paraqitur delegatët. Komisioni pasi merr informacionin e plotë vendos nëse edhe plotësuar kuorumi i nevojshëm”, tha Logu në Report Tv.
Ndërkohë, ditën e nesërme Sali Berisha do të zhvillojë aksionin e tij për shkarkimin e Bashës, ku pritet votimi i anëtarëve të degëve të PD-së do të votojnë, por sipas Logut ky referendum është nul pasi statuti i PD-së nuk e njeh referendumin si një organizëm vendimmarrjeje. Ai theksoi se asnjë vendim i referendumit nuk do të njihet, pasi referendumi ka ardhur si rrjedhojë e një Kuvendi ilegjitim të mbajtur në ‘Air Albania’.
"Në mënyrë që këto mbledhje të fitojnë legjitimetin duhet ndjekur rruga statusore. Statuti i PD-së e ka të përcaktuar në mënyrë shumë të qartë, mbledhja mund të thirret nga kryetari, këshilli kombëtar dhe në raste të caktuara ¼ e delegatëve mund të kërkojnë Kuvend, por nuk vetëmblidhet. Ishte një mbledhje e demokratëve në të cilën u diskutua dhe meriton respekt, por nuk ka prodhuar asnjëlloj vendimmarrje. Përsa kohë një mbledhje nuk thirret sipas statutit ajo nuk mund të prodhojë asgjë.
Statuti aktual nuk e parashikon referendumin si një nga mekanizmat për vendimmarrje. Mbledhja që ka prodhuar këtë vendim, duke qenë se s’ka ndjekur të gjitha rregullat statusore, dhe për rrjedhojë edhe vendimmarrja e referendumi mund të jetë për konsum bisedash, por nuk do prodhojë asnjë efekt juridike”, u shpreh Logu.
I pyetur se përse u dorëzua në gjykatë me 5 muaj vonesë statuti i ri i PD-së, Logu tha se kjo ka ndodhur për shkak të rrethanave me të cilat është përballur partia, tensionet pas përjashtimit të Sali Berishës nga grupi parlamentar, por edhe masakra zgjedhore.
“Vonesa është e kuptueshme për shkak të rrethanave në të cilat ka qenë PD, dhe jemi brenda afatit ligjor të caktuar dhe brenda 30 ditësh do regjistrojmë ndryshimet statusore. Ka ardhur vetëm për shkak të masakrës zgjedhore dhe vendimmarrjet e 19 shtatorit, ka kaluar në një moment që ka pasur mbingarkesa”, vijoi ai.
Logu u shpreh se Kuvendi ditën e nesërme do të jetë i hapur edhe për mbështetësit e Berishës.
“Nesër, kuvendi është një mundësi emirë për të gjitha palët që të bashkohen dhe të diskutojnë sesi nga kjo krizë PD të dalë më e fortë më hapur. Një pjesë e madhe e atyre që janë zëra publik, janë anëtarë të kuvendit kombëtar dhe kanë të drejtën e tyre që të vijnë dhe të dëgjohen vendimet e tyre dhe madje nëse kanë kuorumin e nevojshëm të propozojnë”, tha Logu.
Vetëm pak orë na ndajnë nga 18 dhjetori, ditën kur do të mbahet Kuvendi Kombëtar i thirrur nga Lulzim Basha, ndërkohë që 76.056 anëtarët do të votojnë nesër në referendumin e thirrur nga Sali Berisha për shkarkimin e kryedemokratit.
Komente
Lajme të tjera
-
Zgjedhjet e vitit 2025/ Presidenti Bajram Begaj pret nesër në konsultime për datën PD dhe PS, e mbyll me Celibashin
24 Nëntor, 19:53 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35
Ore ky Logi asistenti e Eduard Halimit nga njera ane me Bashen e keshilltar i krahut te depytetit Basha, nga ana tjeter Ivi Kaso me krahun e sepytetit Berisha, po ashtu Bledion Nallbatin e ben deputet ne minuten e fundit shoku i ngushte i Zenit (dmth) Zeni, tani me krahun e Lulzim Bashes. A keta jane per tjua …..robt e shtepise
Përgjigju