POP 5

Lajmet më të lexuara të 5 minutave të fundit

Kronikë

Nesër vendimi për Emiljano Shullazin dhe grupin e tij, drejtësia e re para një prove të fortë, SHBA-BE po monitorojnë

Drejtësia e re do të vendosë nesër për fatin e një prej dosjeve më të ‘nxehta’ të viteve të fundit. Pas 83 seancash gjyqësore të zhvilluara në dy vite, nesër në 3 dhjetor 2021, Gjykata e Posaçme e Apelit do të dalë me një vendim për dënimin ose jo të Emiljano Shullazit dhe grupit të tij, Gilmando Dani, Endrit Qyqja, Endrit Zela dhe Blerim Shullazit.

TIRANË- Drejtësia e re do të vendosë nesër për fatin e një prej dosjeve më të ‘nxehta’ të viteve të fundit. Pas 83 seancash gjyqësore të zhvilluara në dy vite, nesër në 3 dhjetor 2021, Gjykata e Posaçme e Apelit do të dalë me një vendim për dënimin ose jo të Emiljano Shullazit dhe grupit të tij, Gilmando Dani, Endrit Qyqja, Endrit Zela dhe Blerim Shullazit. Dy vite më parë, Gjykata e Shkallës së Parë, më trupë gjykuese të kryesuar nga Fran Prendi dënoi me 14 vite burg Emiljano Shullazi për akuzat e gjobëvënies dhe krijim të grupit të strukturuar kriminal. 

Shullazi u shpall i pafajshëm për akuzën e kanosjes ndaj dy rektorëve Mynyr Koni e Dhori Kule dhe atë të shkatërrimit të pronës, për vendosje tritoli biznesmenit Jani Zaka në Tiranë dhe Adriatik Kuçuku në Lushnjë. Ndërkaq, me 12 vite burg u dënua Gilmando Danin, Indrit Qyqja me 10 vite, Indrit Zela me 10 vite dhe Blerim Shullazi me 9 vite burg. 

Nesër Gjykata e Apelit do të vendosë ose për të lënë në fuqi vendimin e shkallës së parë, ose për rrëzimin e dënimeve, për një dënim më të butë ose aq sa kërkon prokuroria. Vendimi që pritet të merret nesër ka shumë mundësi që të jepet në mungesë të avokatëve mbrojtës dhe 5 të pandehurve. Avokatët dhe të pandehurit refuzon të merrnin pjesë në këtë proces që nga seanca e 24 nëntorit 2021, me pretendimin e shkeljes së të drejtave. 

Megjithatë, pavarësisht bojkotit, kryetarja e trupit gjykues Miliana Muça, urdhëroi vijimin e gjykimin ndaj të pandehurve pa prezencën e avokatëve mbrojtës. Gjyqtarja Muça ka argumentuar se ky vendim bazohet në një vendim të Gjykatës së Strasburgut, e cila argumenton se kur personit të arrestuar i jepen të gjitha mundësitë për t’u mbrojtur dhe ai refuzon të mbrohet, atëherë gjykimi ndaj tij mund të vijojë edhe pa avokatët mbrojtës.

Prokuroria në pretencën e saj ka kërkuar dënimin e Shullazit me 18 vite burgim. Përveç kësaj çështje penale, ndaj Emiljano Shullazit vijon të qëndrojë në fuqi edhe një masë e dytë sigurimi “arrest në burg”, për akuzën e “Vrasjes në rrethana cilësuese” në dëm të Vajdim Lamajt dhe Artan Arsit, ngjarje kjo e ndodhur në muajin shkurt 2005 në Tiranë.

Seancat ndaj Emiljano Shullazit dhe 4 të pandehurve të tjerë janë ndjekur në mënyrë të vazhdueshme edhe nga përfaqësues të Ambasadës Amerikane në Tiranë. Gjithashtu, përfaqësues të SHBA dhe BE në Tiranë po monitorojnë këtë proces. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasta: 02/12/2021 20:55

    Ngeli duke hudh euro altini por me ujkun e ka te veshtire

    Përgjigju
    • eri: 02/12/2021 21:39

      Te hedhi sa doj ujku do e gjej menyren me dal

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55