Nesër zgjedhjet e pjesshme vendore/ Moti i keq mund të vështirësojë votimin në fshatrat e Dibrës! Reshjet e dendura të dëborës bllokojnë Rrugën e Arbrit

Moti i keq që ka përfshirë Dibrën, me reshje të shumta dëbore dhe erë të ftohtë, mund të vështirësojë votimin ditën e nesërme në disa fshatra.

Bëhet me dije se dëbora ka bllokuar Rrugën e Arbrit, te bypass i qafe Murrizit. Nëse reshjet e dëborës vijojnë me këtë intensitet, atëherë nesër do të ketë jo pak vështirësi për qytetarët që të hedhin votën në kutitë e votimit.

Zgjedhjet do të zhvillohen nesër në 6 bashki, në Vorë, Rrogozhinë, Lushnjë, Shkodër, Dibër dhe Durrës mes kandidatëve të PS, PD e koalicionit ‘Shtëpia e Lirisë’, të cilët do të kenë një mandat 1-vjeçar. Janë 10.134 zgjedhës që votojnë për herë të parë, ndërsa 135 shtetas nuk janë përfshirë në lista për shkak të dekriminalizimit. Në të 6 bashkitë do të jenë 942 qendra votimit që do të jenë të hapura nga ora 07:00-19:00.

TAG:
• zgjedhjet 6 mars 2022
• rruga e arbrit
• debore
• moti i keq
• Diber