POP 5

Lajmet më të lexuara të 5 minutave të fundit

Kronikë

'Net të vdekura' në Pogradec, pushuesit: Qyteti liqenor s'ka kuptim pa serenatat në verë

Qyteti i Pogradecit nuk ka kuptim pa serenatat e verës! Kështu shprehen pushuesit, muzikantët dhe operatorët turistikë. Ata kërkojnë që qeveria të rishikojë vendimin që ndalon muzikën në bare pas orës 20:00. Lokalet e restorantet këtë vit nuk është as 20 për qind të klientëve të viteve të shkuara. Po kështu muzikantët që performojnë live buzë liqenit thonë se janë të persekutuar pasi gjithë vitin presin muajt e verës për të punuar. Ndjekim vëzhgimin e Report Tv në Pogradec.

Rritja e rasteve me koronavirus solli ndryshime dhe rregulla të reja për subjekte të tilla si klubet e natës, diskot, bar kafe dhe restorantet në të gjithë territorin e Shqipërisë.

Report TV ndodhet në qytetin e Pogradecit për të parëse si po operojnë përballë kësaj situate subjektet që ushtrojnë aktivitetin e tyre përgjatë vijës liqenore.

Vendimi i qeverisë për mbylljen e diskove dhe klubeve dhe ndalimin e muzikës pas orës 20 në bare e restorante ka penalizuar këto biznese puna e të cilave është e lidhur ngushtë me turizmin veror. Të diskriminuar ndjehen edhe këngëtarët që performonin live.

"Mezi e prisnim beharin, nuk jetojmë dot pa muzikën. Në njëfarë mënyre jemi të persekutuar në këtë pikë. Nëse ka hapësirë vërtet duhet të na lejojnë sepse këtu është shumë herë më e përshtatshme për të luajtur. Mendoj se është muzikë e butë qytetare, serenatë", tha një këngëtar.

"Ta ndalosh muzikën në orën 08.00 kur në këtë orë dilet e nuk është se do futesh në shtëpi. Për diskot e natës është një vendim i vonuar bile duhej marrë me kohë, ndërsa lokalet e hapura të mos dëgjosh muzikë, ne kur themi verë kemi parasysh muzikën, qoftë nëpër plazhe por edhe kudo sidomos në Pogradec.  Janë bërë darkat e trishtuara kështu pa muzikë", tha një pushuese.

Në 70 subjekte që operojnë nga Voloreka në Drilon numri i klientëve është i pakët. Operatorët e konsiderojnë të padrejtë ndalimin e muzikës, ndërsa janë detyruar të shkurtojnë vendet e punës.

“Nga viti i kaluar, me këtë vit që jemi tani kemi një rënie thuajse totale. Sepse muzika këtu është shumë e thjeshtë, serenatë që njerëzit janë afruar, po prapë se prapë ka humbur gjallërinë siç ka qenë me vitet e tjera ka patur një rënie shumë të madhe. Nga 50 -60 tavolina kemi arritur në 30 tavolina, edhe shkurtim të personelit”, tha pronari i një lokali.

Mbyllja e muzikës pas orës 20 të mbrëmjes ka shkaktuar dëme të konsiderueshme ekonomike të këtyre bizneseve dhe një atmosferë të vaket në këtë sezon turistik veror.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergji: 29/07/2020 16:08

    Komunizem,,,,

    Përgjigju
  • vjeshta: 27/07/2020 21:12

    Mbani distancën e vini maskat!

    Përgjigju
  • altini: 27/07/2020 19:09

    nukme di ku jetoni jupor ne planetin TOKE esht nje covid19 qe ta heq pinin per gjithmone nqs se je me ndonje semundje tjeter.keta tralalate sic thoshte jovan bregu aty e kane mendjen por jeta vazhdon dhe pa tralalane e tyre e te ruhen dhe per me te vjetrit qe kane neper shtepija se kur vdes pastaj e ka fajin qeverija qe vdesin njerezit nga virusi se nuk mori masat e duhura. e dime sh mire qe dhe paret duhen per te hecur perpara por e dime edhe qe po te ikesh ne boten tjeter parate e fituara nuk ta zgjasin jeten mbi toke

    Përgjigju
  • Loran shehu: 27/07/2020 18:03

    Jo re ska kuptim pa serenatat........ , po ka kuptim qe mbas serenatave direkt ke infektivi dhe ti gezoni serenatat pastaj gith jeten ....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46