POP 5

Lajmet më të lexuara të 5 minutave të fundit

Kultura

'Netët e Bejkës së Bardhë' kthehen në Pilur, festivali i polifonisë gjallëron fshatin turistik

Për dy ditë me radhë Piluri i Himarës u kthye në kryeqendrën e muzikës popullore. Grupe të ndryshme të polifonisë morën pjesë në festivalin “Netët e Bejkës së Bardhë”, ndërsa nuk munguan as vallet popullore. Çmimi i parë që mban emrin e iniciatorit të këtij aktiviteti, "Lefter Çipa", iu dha grupit të Pilurit.

Muzika dhe vallet popullore gjallëruan për dy ditë me radhë fshatin Pilur të Himarës. “Netët e Bejkës së Bardhë”, ngjitën në skenë grupe polifonike nga Vlora, Gjirokastra, Tepelena, Mallakastra, Gramshi dhe Himara, duke e kthyer fshatin turistik në kryeqendrën e muzikës labe.

“Duhet që kënga polifonike të kaloje në brezat e tjerë. Kënga polifonike për ne është ushqimi i shpirtit tonë, jeta e përditshme, gëzimi e hareja jonë”, tha këngëtarja polifonike, Katina Beleri. 

“Kjo është e ardhmja jonë. Kënga labe vazhdon dhe do të vazhdojë”, u shpreh këngëtari polifonik, Golik Jaupi.

Kryetari i Bashkisë së Himarës, Gjergji Goro thotë se festivali synon të promovojë traditat më të mira të zonës në funksion të turizmit. Ndërsa shpreson që të kjo traditë të trashëgohet ndër breza.

“Me këtë festival ne përpiqemi ti japim jehonë dhe zonave të tjera, përveç plazhit, por dhe thellësisë dhe traditës. Turistëve të ju themi që përveç detit të shfrytëzojnë dhe fshatrat tonë piktoreskë. Në çdo fshat do mundohemi të kemi aktivitete të kësaj natyre”, përfundoi kryetari i Bashkisë së Himarës, Gjergji Goro.

Çmimi i parë që mban emrin e iniciatorit të këtij aktiviteti dhe njeriut që e ktheu Pilurin në një pikë të rëndësishme të identitetit të polifonisë shqiptare, poetit e rapsodin, "Lefter Çipa", ju dha grupit të Pilurit. Çmimin e dytë " Kujtim Mici", e fitoi grupi i Bënçës, Tepelenë. Kurse çmimin e tretë "Koço Çakalli", e mori grupi "Argjiro" i Gjirokastrës.

Iso Polifonia shqiptare është shpallur nga UNESCO “Kryevepër e Trashëgimisë Gojore të Njerëzimit” dhe mbrohet  prej saj.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Shkodër/ Arrestohet 34 vjeçari akuzohet se është kultivuesi i 4 miniparcelave me kanabis

Shkodër/ Arrestohet 34 vjeçari akuzohet se është kultivuesi i 4 miniparcelave me kanabis

26 Janar, 10:33