POP 5

Lajmet më të lexuara të 5 minutave të fundit

Opinion

Nevojë urgjente, largimi i xhambazëve nga policia

Vettingu në Policinë e Shtetit duhet të vazhdojë pas një periudhe ndalese. Kjo për faktin sepse, duhen larguar të gjithë xhambazët e mbetur në rradhët e uniformave blu. Reforma më e thellë në Policinë e Shtetit, është bërë në 4 vitet e fundit, duke sjellë rezultate shumë pozitive.

Nevojë urgjente, largimi i xhambazëve nga policia

Foto ilustruese

Vettingu në Policinë e Shtetit duhet të vazhdojë pas një periudhe ndalese. Kjo për faktin sepse, duhen larguar të gjithë xhambazët e mbetur në rradhët e uniformave blu. Reforma më e thellë në Policinë e Shtetit, është bërë në 4 vitet e fundit, duke sjellë rezultate shumë pozitive. Janë “sterilizuar” strukturat e saj, dhe ka ardhur një frymë e re. Profesionalizmi, mbetet pika kyçe, nga ku drejtori i ri i Policisë Shtetit zoti Rrumbullaku po ngulmon në ushtrimin e funksioneve të tij.

 Por konstatoj se, në posta, komisariate dhe drejtori në qarqe, ka akoma xhambazë, ka akoma policë që kanë hyrë e dalë me dhjetra herë nga rradhët e Policisë Shtetit, aq sa thuhet se “këta kanë blerë përjetësisht vendin e punës”. Ka mes tyre barkëmëdhenj dhe qafëtrashë, që të vetmen punë që bëjnë, është gjezdisja varravingo me automjetet e Policisë Shtetit,ndalimi  dhe gjobitja e ndonjë hallexhiu, dhe përkulja me nderim i ndonjë të “forti” që i mbush bagazhin me birra dhe xhapin me lekë. Kjo situatë duhet të marrë fund.

Ashtu siç duhet të marrë fund qëndrimi i një kaste xhambazësh, që nuk plotësojnë asnjë kriter elementar, për të mbajtur uniformën. Ky kontigjent, është i përlyer me korrupsionin, ka lidhje me rrugaçët dhe elementë kriminalë. Dhe faktet e muajve të fundit, kanë treguar se tentakulat e krimit kanë shtrirjen e tyre, nga policët e thjeshtë, deri në emra drejtues të strukturave në komisariate dhe drejtori.

Ata njollosin emrin e mirë të policit, ata damkosin imazhin e mirë që Policia e Shtetit ka tek qytetarët, ata shkelin barazinë mes qytetarëve, shkelin ligjin, bëjnë pazare dhe pasurohen me para të pista. Vettingu në Policinë e Shtetit, duhet të rinisë me urgjencë. Çdo ditë e humbur, shton koston për rendin, qetësinë, qytetarët, duke rënduar imazhin e uniformave blu. Policia e Shtetit, mbetet e përkushtuar në përmbushjen e misionit të saj, në luftën ndaj krimit ordiner dhe atij të organizuar. Sot Policia e Shtetit, ka një staf drejtuesish profesionistë, të cilët kanë treguar me vepra se dinë dhe realizojnë operacione dhe goditje preçize ndaj grupeve kriminale.

Një Shqipëri anëtare e Bashkimit Europian, nuk mund të prezantohet në dogana dhe ambiente publike me policë, që nuk mbajnë dot as uniformën e tyre. Ata shpesh janë bërë objekt i fotografimeve dhe filmimeve nga qytetarët dhe turistët e huaj, për sjellje dhe veprime të pahijshme apo dhe shkelje ligjore. Largimi i xhambazëve të mbetur skutave të Policisë Shtetit në Tiranë apo komisariatet e rretheve, është një nevojë urgjente, pasi do të spastronte strukturat nga të korruptuarit, të pashkolluarit, dhe të inkriminuarit. Zoti Rrumbullaku e ka nisur detyrën e lartë me “këmbë të mbarë” pas emërimeve të fundit, gjë e cila ka ringjallur shpresën dhe besimin për thellimin e reformimit  të plotë të strukturave në Policinë e Shtetit.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lulzim Ibrahimi: 11/10/2022 20:06

    Po u hoqen xhambazet do mbeten shume pak police ne detyre

    Përgjigju
  • Kola: 11/10/2022 19:43

    E ka shum te veshtire me keto bandita dhe hajduter policesh te eci perpara.ka police qe jane blinduar neper dogana dhe qe jane bere milionere.

    Përgjigju
  • Artan: 11/10/2022 19:34

    Mire e ke ti Artur Ajazi por keta nuk e kane me te vrtete Vetingyn.Tek Vettingi ne polici ka qene dhe nje komisioner, Besnik Hodo quhet.Ishte nje nga 5 komisioneret e zgjedhur nga ILDKP. Ne maj 2019 kur beheshin zgjedhjet per kryetarin e ri ne krye te ketij organizmi, midis te therave vuri kandidaturen dhe ky tipi qe vinte nga rradhet e inspektoreve te ILdKP. 1 ore para votimeve, vjen urdheri nga kreu i ILDKP qe ky tipi duhet te terhiqej nga votimi dhe vote e 5 ish inspektoreve te ILDKP duhet te shkonte per Ana Kapaj, nje agronome nga Universiteti I Kamzes, asistentja e nenes se zv. Ministtit te Brendshem Julian Hodaj ( Natasha Hodaj). Ky tipi nuk pranon doreheqjen dhe merr pjese ne zgjdhje per kryetar. Normal nik fiton se kryetari ishte percaktuar nga zv. Ministri Brendahem Julian Hodaj dhe Inspektori i Pergjithshem I Ildkp, Shkelqim Ganaj. Pas zgjdhjeve, Shkelqim Ganaj me nje procedure antiligjore, kerkon largimin e Komisionerit Besnik Hodo nga rradhet e Vettingut, meqe ai doli kunder urdherit te tij. Meqe nuk pranoi, e zevendeson me Luljeta Çokaj ne menyre antiligjore. Me dijene time, Besnik Hodo e ka ankimuar ne gjykate urdherin e zevendesimit.Te gjithe kete e shpjegova per te bere me dije se Vettingu ne polici ka qene formal.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

Krishtlindja, Presidenti e Kryeministri urojnë besimtarët katolikë! Begaj: Të reflektojmë mbi vlerat më të larta të njerëzimit

25 Dhjetor, 08:09