NEW ORLEANS - Një nënë e tre fëmijëve ka sulmuar me grushta dhe shqelma disa tifozë kundërshtarë në një ndeshje futbolli amerikanë në New Orleans të SHBA.

Gjithçka filloi gjatë një ndeshje mes universiteteve të Alabamas dhe Oklahomas, e cila zhvillohej në stadiumin e "New Orleans Superdome".

Michelle Pritchett nga Sweetwater i Alabamas është konfrontuar verbalisht me disa djem të cilët mbështesnin universitetin e Oklahoma. 

Sipas gruas, njëri prej tifozëve kundërshtar filloi të tallëj me djalin e saj, por në fakt përballja fizike u verifikua pasi grupi i tifozëve kundërshtar e bërtiti: ‘Shko në shtëpi gjyshe’ në drejtim të gruas.

Me gjithë përpjekjet e njerëzve rrotull për të qetësuar mamanë e tre fëmijëve, ajo arriti të lëshohej mbi tifozët kundërshtarë dhe ti godasë me grushta dhe shqelma.

Fatmirësisht, burrat nuk reaguan për të goditur një femër, pasi shërri banal do të përfundonte shumë më keq.

Në një inervistë për "Yellowhammer News", Pritchett tha se nuk ishte aspak e penduar dhe se do të bënte sërish të njëjtën gjë.

Redaksia Online
(a.ç/shqiptarja.com)