Nga Amerika Latine, Spanja dhe Rusia për të prostituuar në Shqipëri, policia arreston 6 vajza të huaja dhe ‘tutoren’ kolumbiane

6 vajza të huaja, nga Spanja, Kolumbia, Venezuela dhe Rusia dhe një tjetër kolumbiane si organizatore e grupit janë arrestuar nga policia pasi kishin ardhur në Shqipëri pë të ushtruar prostitucion . Uniformat blu bëjnë me dije se ditën e sotme është zbuluar një tjetër rast i ushtrimit të prostitucionit, këtë herë me protagoniste të huaja të ardhura nga vende të ndryshme të Amerikës Latine dhe Rusisë, me qëllim zhvillimin e aktivitetit në  Shqipëri.

Policia ka ndaluar organizatoren Beisi Yusmar Rojas Ruiz 30 vjeçe si dhe vajzat Lismar Maryelis John Perez 28 vjeçe, Leidi Yaritza Anillo Bolano 23 vjeçe, Yuri Lorena Vargas Sanchez 28 vjeçe, Daniela Carolina Mendoza Barboza 31 vjeçe, Margarita Grushevskaia21 vjeçe dhe Laura Vanesa Mercado Baselga 22 vjeçe.

Nga hetimet e policisë ka rezultuar se organizatorja, tashmë e ndaluar shfrytëzonte për prostitucion vajzat e arrestuara, të cilat ishin akomoduar në banesa me qira, në zona të ndryshme të Tiranës dhe nëpërmjet një faqeje në internet, krijonin kontakte me njerëz të ndryshëm, për të ushtruar prostitucionin, kundrejt pagesave.

Bazuar në  këto të  dhëna policia ka proceduar penalisht 4 shtetas shqiptarë  që i kishin dhënë me qira banesat e tyre, pa deklaruar në organet tatimore.

Në cilësinë e provës materiale u sekuestruan pasaportat e 7 shtetaseve të arrestuara. Ndërkohë policia do të vijojë  punë n për identifikimin e personave të tjerë të përfshirë në këtë veprimtari kriminale. Çështja  do t’i kalohet ne shqyrtim organit të akuzës.

K.T./Shqiptarja.com

TAG:
• policia e tiranes
• Beisi Yusmar Rojas Ruiz
• prostitucion
• Tirane