POP 5

Lajmet më të lexuara të 5 minutave të fundit

Nga Elbasani në 'Air Albania', tifozët e Partizanit në delir për Europën: Tani ta mbushim plot stadiumin

Tifozët e Partizanit dhe Tiranës e kanë pritur me shumë gëzim vendimin e ndryshuar që ndeshjet e Europës ti luajnë në ‘Air Albania’. Tani klubet do kenë mbështetjen maksimale në shkallët e stadiumit, ndërsa do mbushin edhe arkat nga përfitimet e UEFA-s.

Teksa sfidat e Europës për Tiranën dhe Partizanin afrohen ka ardhur një lajm mjaft pozitiv për tifozët. UEFA ka pranuar kërkesën e klubeve që ndeshjet pritëse me kundërshtarët respektivë të zhvendosen nga Elbasan Arena në Air Albania.

Fillimisht u vendos që ndeshjet e kthimit të luheshin në Elbasan, por reagimi i ashpër i tifozëve si dhe presioni nga mediat detyruan shoqërinë që menazhon stadiumin ‘Air Albania’ të shtynte mbjelljen e barit në një moment tjetër. Për rrjedhojë klubet dërguan një kërkesë në UEFA për ndryshimin e stadiumit që është aprovuar tashmë.

Gëzimi ka qenë i madh te tifozët e Partizanit, të cilët ishin të parët që reaguan ashpër për degdisjen në Elbasan. Tani në faqen e klubit disa prej tyre shkruajnë: “kjo ishte lëvizja”, “shyqyr, duhet plot stadium”, ndërsa nuk mungojnë edhe komentet të tipit “na ka munguar Partizani”.

Më 12 korrik fillimisht Tirana pret Dudelange për turin e parë kualifikues të Champions League, ndërsa më 14 korrik Partizani luan me Saburtalo-n për turin e parë në Conference League. Pjesmarrja në raundin e parë i mundëson të sigurta Tiranës 550 mijë euro, ndërsa Partizanit 250 mijë euro.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23