Nga janari, në Durrës u kapën 850 mijë euro të padeklaruara, ja skema që përdorin shqiptarët për të sjell para nga aktivitete kriminale jashtë vendit

Para, të padeklaruara, u gjetën nga Policia Kufitare në një autobus që vinte nga Italia këtë të hënë. Edhe këtë herë, vendi që zgjodhën për t’i fshehur ishte pjesa e sipërme e tavanit të autobusit, te kondicioneri.

E njëjta skemë u përdor edhe më 13 qershor të këtij viti. Autobusi u mbush plotë me 'topa' parash, të cilët më pas u zbuluan nga policia.

Të dy autobusët vinin nga linja e tragetit të Barit, ndërsa lekët ishin të padeklaruar dhe pa asnjë dokumentacion për të vërtetuar që rrjedhin nga aktivitete të ligjshme në perëndim, kryesisht nga trafiku i drogës. Për çudi, shoferët e këtyre mjeteve gjithmonë deklarojnë se nuk kanë dijeni për paratë. Megjithatë, këto nuk janë të vetmet raste të goditura në Portin e Durrësit nga 1 janari 2023 deri më tani. Burime të Report Tv bëjnë me dije se në 8 raste të ndryshme janë arritur të kapen rreth 850 mijë euro të padeklaruara, pa përfshirë rastet me shuma më të vogla. Paratë kryesisht vijnë të fshehura në autobus, por nuk mungojnë edhe rastet e fshehjes në kamion apo edhe në vetura personale.

Por, çfarë skeme përdorin shqiptarët për të sjell para nga jashtë?

Autoritetet shqiptare kanë dyshime se paraja që hynë përmes pikave kufitare e fshehur nëpër automjete, rrjedh nga aktivitete kriminale në perëndim, kryesisht në ato të drogës. Grupe të ndryshme, zgjedhin këtë rrugë për sjelljen e tyre, edhe me shpresën e kalimit përmes ryshfetit. Në rastin e Portit të Durrësit, janë autobus që transportojnë pasagjerë, por edhe kamion të vegjël që sjellin porosi të emigrantëve shqiptarë nga e gjithë Evropa në drejtim të vendit tonë, të cilën përdoren për të sjell edhe paranë e paligjshme. Një tjetër kategori parash që hyjnë ilegalisht në vendin tonë janë edhe ato të fituara në punë të ndershme, por në të zezë, çfarë i detyron shqiptarët që të përdorin rrugë të tilla për futjen në tregun vendas. Në disa raste të zbuluara në aeroportin e Rinasit, shqiptarët kanë përdorur edhe të huaj për sjelljen e valutave të euros dhe kryesisht edhe paundit britanik. Për këto raste, paratë janë gjetur në trup dhe janë pikasur lehtë nga autoritetet.

G.MO/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agron: 07/08/2023 18:11

    Me i rrezikshmi ne port durres eshte ermal zeka spiuni dhe bashkepunetori i sajmir boshnjakut, te perfshire me transportin e paundeve nga anglia me furgone drejt durresit,dhe ata kapin ata qe nuk paguajne. ( shpresoj ta shfaqin komentin gazeta shqiptarja.com pasi qartesisht nuk i jep komentet kunder shefave te policise te korruptuar deri ne palce ,pa harruar qe ermali ka blere 4 apartamente ne tirane dhe sajmiri nje super apartament gjys milioni euro , me nje rroge oficeri ???)

    Përgjigju
    • Iliri: 07/08/2023 20:29

      Ik ha sup o Agron

    • Agron1: 07/08/2023 19:25

      Nuk jane akuza apo dashakeqesi por informacione per ata qe kane ne dore dicka si amp shish spak etj.

    • Iliri: 07/08/2023 18:48

      Edhe ty ti paskan treguar ato detaje sikur te ishin biseda dosido?! Detaje te atilla i din vetem ata qe jane pjese e skemes. Kush e di cfare inati personal ke ti me personat ne fjale qe hedh keto akuza.

  • Iliri: 07/08/2023 18:09

    Shumica e ketyre nuk jane as para te pista/aktivitet kriminal. Shumica punojne ne te zeze (ndertime,hoteleri ristoracjon..) dhe skane letra per ti deklaruar ne banka...ka dhe nga ata qe evitojne komisjonet (e larta) bankare per ti sjelle cash ne Shqiperi...pra jo domisdoshmeri para krimi

    Përgjigju
  • Denisi: 07/08/2023 17:38

    Më i rrezikshimi është ai PITI qe ka agjensi në Rrogozhinë ai sjell gjithë paren e pisët të drogës nga Europa të grupeve kriminale

    Përgjigju
  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Amaneti i babait për bijën e tij në 25-vjetorin e çlirimit të Kosovës

Amaneti i babait për bijën e tij në 25-vjetorin e çlirimit të Kosovës