POP 5

Lajmet më të lexuara të 5 minutave të fundit

Bota

Nga kirurg në udhëheqës të Al- Kaedës, historia e drejtuesit të organizatës terroriste që u vra nga amerikanët, një nga organizatorët e sulmeve të 11 shtatorit

Nga kirurg në udhëheqës të Al- Kaedës, historia e drejtuesit të organizatës terroriste që u vra nga amerikanët, një nga organizatorët e sulmeve të 11 shtatorit

Ayman al-Zawahiri,  udhëheqësi i organizatës terroriste Al KaedA, si dhe komplotuesi kryesor i sulmit terrorist të 11 shtatorit, u vra në një sulm me dron amerikan në Afganistan ditën e diel. Presidenti amerikan Joe Biden e konfirmoi vdekjen e tij ditën e hënë , duke u shprehur se  "Drejtësia  u vu vënë në vend".

Zawahiri, i cili sapo kishte mbushur 71 vjeç, mori drejtimin e AL- Kaedës, pasi forcat amerikane gjuajtën Osama bin Laden në Jalalabad të Pakistanit. 11 vjet pasi Laden u vra, Zawahiri ishte bërë një 'simbol ndërkombëtar' i grupit terrorist.

I lindur në një familje egjiptiane të shtresës së mesme studiuesish dhe mjekësh, Zawahiri u rrit dhe studioi mjekësi. Ai ishte nipi i Rabia al-Zaëahirit, imamit të madh të Al Azharit, që është qendra e mësimit islam sunit në Lindjen e Mesme dhe një nga xhamitë më të rëndësishme të Islamit. Zawahiri shërbeu tre vjet si kirurg në ushtrinë egjiptiane, por udhëtimi i tij nga një kirurg okular për t'u bërë terroristi më i kërkuar global filloi pasi ai takoi Laden në vitin 1986 dhe iu bashkua Ladenit si këshilltar dhe mjek i tij personal.

Në vitin 1993, ai mori drejtimin e Xhihadit Islamik në Egjipt dhe u bë një figurë udhëheqëse në një fushatë në mesin e viteve 1990 për të rrëzuar qeverinë dhe për të krijuar një shtet islamik purist. Ai u zbulua se ishte i përfshirë në vrasjen e mbi 1200 egjiptianëve.

Vite më vonë, Zawahiri u bë numri dy në listën e "terroristëve më të kërkuar" të shpallur nga qeveria amerikane në 2001. Në vitin 1998, Zawahiri më në fund bashkoi Xhihadin Islamik Egjiptian me Al-Kaedën. Zawahiri u akuzua për rolin e tij në bombardimet e 7 gushtit 1998, kur disa bomba shpërthyen para ambasadave amerikane në Nairobi, Kenia dhe Dar es Salaam, Tanzani, në Afrikë dhe ku  224 njerëz vdiqën në shpërthime, duke përfshirë 12 amerikanë, dhe më shumë se 4,500 njerëz u plagosën.

Kulmi i komplotit terrorist të Zawahirit erdhi më 11 shtator 2001, kur rreth 3000 njerëz u vranë në sulmet ndaj kullave binjake të Qendrës Botërore të Tregtisë. Në maj 2003, Zawahiri u përfshi në sulme vetëvrasëse në Riad, Arabi Saudite, duke vrarë 23 njerëz, duke përfshirë nëntë amerikanë, disa ditë pasi u publikua një kasetë që mendohej se përmbante zërin e Zawahirit.

Zawahiri u shfaq si një 'folës i shquar' i Al-Kaedës, në vitet e fundit pasi ai u shfaq në 16 video dhe audio kaseta në vitin 2007, katër herë më shumë se Bin Laden, ndërsa grupi u përpoq të radikalizonte dhe rekrutonte muslimanë në mbarë botën. Vendndodhja e tij ishte një mister për disa vite, por besohej se ai fshihej përgjatë kufirit midis Pakistanit dhe Afganistanit.

Në janar 2006, SHBA-ja ishte përpjekur më parë të vriste Zawahirin në një sulm me raketa pranë kufirit të Pakistanit me Afganistanin. Sulmi vrau katër anëtarë të Al-Kaedës, por Zawahiri mbijetoi dhe u shfaq në video dy javë më vonë, duke paralajmëruar presidentin amerikan George W Bush se as ai dhe as "të gjitha fuqitë në tokë" nuk mund ta afronin vdekjen e tij "një sekondë më afër".

Vrasja në shënjestër e Zawahirit vjen një vit pas tërheqjes ushtarake amerikane nga Afganistani dhe marrjes së vendit nga talibanët.


Lajmi kryesor:

Vritet në një sulm me dron lideri i Al Kaedës, Al Zawahiri, një nga organizatorët e sulmeve të 11 shtatorit! Biden: U vendos drejtësia
S.C/Shqiptarja.com
  • Sondazhi i ditës:
    6 Nëntor, 09:49

    Fiton Trump, mendoni se do ndryshojë politika amerikane ndaj Shqipërisë?

Lajme të tjera



×

Lajmi i fundit

Qafë-Thanë/ Kontrabandonin naftë nga Maqedonia e Veriut me depozita të fshehta në kamionë, në pranga 3 shoferët! Sekuestrohen 1800 litra karburant dhe mjetet

Qafë-Thanë/ Kontrabandonin naftë nga Maqedonia e Veriut me depozita të fshehta në kamionë, në pranga 3 shoferët! Sekuestrohen 1800 litra karburant dhe mjetet

7 Nëntor, 13:31