POP 5

Lajmet më të lexuara të 5 minutave të fundit

Kronikë

Nga moskallëzim krimi në vrasës! Ndryshon akuza për të arrestuarin e vetëm në ekzekutimin e ish-policit Malko

Pas kalimit tek Krimet e Rënda dosja e vrasjes së ish-policit Santiago Malko bëhet me 9 autorë të dyshuar. Prokurori Behar Dibra i ka ndryshuar akuzën të arrestuarit të vetëm në këtë proces, Bledar Tetës i cili deri më tani ishte nën akuzë për moskallëzim krimi.

TIRANE - Shkon në nëntë numri i të dyshuarve si pjesë e grupit kriminal në hetim nga Krimet e Rënda për vrasjen e ish-policit Santiago Malko.

Pas të dyshuarve shpallur në kërkim, Krimet e Rënda kanë riformuluar akuzën për Bledar Tetën, të vetmin të arrestuar nga moskallëzim krimi, në vrasje e kryer me paramendim në bashkëpunim.

Ky vendim është marrë nga prokurori Behar Dibra, i cili i ka komunikuar të ndalurit akuzën ndërsa i ka kërkuar Gjykatës së Krimeve të caktojë arrest me burg.

Leonard dhe Elis Duka, Xhoni Nica, Oltian Loka, Ilir Selmani, Aleksandër Maxhaku, Dritan Agaj, Fatmir Hyseni janë personat e dyshuar si të përfshirë në këtë krim ndërsa prej ditësh janë shpallur në kërkim.

Ekzekutimi i Malkos ndodhi më 27 gusht 2019 në rrugën "Xhanfize Keko" në Tiranë dhe nga ajo ditë i vetmi i ndaluar është Teta i cili u zbulua prej automjetit që përdorte dhe kamerat e sigurisë e fiksuan afër vendit ku i vra Santiago Malko, 26 vjeç.

ReportTv ka mësuar se Xhoni Nica, një nga personat e shpallur në kërkim, me anë të avokatit të tij, Alban Qafa, pretendon se kur ka ndodhur vrasja ai ka qenë jashtë vendit.

Provat, si pasaporta dhe biletat, avokati i tij i ka depozituar në prokurorinë e Krimeve të Rënda aty ku do të vlerësohen nëse janë apo jo të vërteta.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55