POP 5

Lajmet më të lexuara të 5 minutave të fundit

Kultura

Nga “Motra Tone” e “Skënderbeu” në vitet 2000, portretet në 120 vite histori të pikturës shqiptare, Hado: I krahasoj me vepra botërore, janë të veçanta!

Abaz Hado sjell “Portretin” në 120 vite histori të pikturës shqiptare, duke e krahasuar me veprat botërore. Nga “Motra Tone” e Skënderbeu, tek portretet e realizmit socialist dhe vitet 2000, autori  mbërrin tek uniciteti i portreteve shqiptare

Portreti shqiptar në 120 vite histori të pikturës shqiptare, vjen përmes një studimi të artistit e studiuesit Abaz Hado, të promovuar në Akademinë e Shkencave. I ndarë në periudha të ndryshme, autori krijon një qasje sa studimore aq edhe kritike e analitike, duke trajtuar fenomene të ndryshme të portretit, si karakteri etnik, psikologjik, modeli e piktori.

“Fillon në vitet 1800, që janë dhe portretet e para në pikturën shqiptare “Motra Tone” dhe një portret i Skënderbeut dhe vijon deri në vitet 2000”, thotë Hado.

Një dekadë punë, që ngjall kërshërinë e evolucionit të portreteve në kohë në plot 430 faqe shoqëruar me ilustrime, duke nisur nga imazhi intim i kopërtinës, tek grafikat, vizatimet, karikaturat a mozaikët

“Është një vepër që e kam zbuluar rastësisht kur kam qenë drejtor në Galeri , me autor Zef Shoshin, i cili ka qenë vetëm 17-vjeç e në Liceun e Tiranës kur ka bërë këtë portret”, thotë më tej autori.

Një botim që shënon një sërë risish studimore. Autori trajton mitet në portretin shqiptar duke bërë krahasime me vepra a kryevepra të tjera botërore. Kjo edhe kur flitet për portretet e diktatorëve.

“Unë kam marrë një studim dhe kam bërë një krahasim me portrete të tjera ku portreti shqiptar del i veçantë , del karakteri i plotë i këtij portreti në pikturë. Do vazhdoj pastaj me një studim tjetër, por për portretin në skulpturë”, thotë ai.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46