Nga muzika te sporti, çfarë mund të bëni këtë fundjavë nëse keni vendosur të mos dilni jashtë Tirane

Fundjava e fundit e muajit shkurt vjen plot aktivitete në kryeqytet! Bashkia Tiranë sjell këtë të shtunë një aktivitet me muzikë, interpretime, poezi, rrëfime, humor e fotografi pranë një prej veprave më të njohura të instalacionit të artit publik, ideuar nga artisti japonez, Sou Fujimoto. Po këtë ditë, Federata Shqiptare e Volejbollit në bashkëpunim me APR organizojnë minikampionate volejbolli në Parkun Olimpik “Feti Borova”. Dymbëdhjetë skuadra do të bëhen pjesë e një dite kushtuar këtij sporti, që frymëzon të rinjtë për një jetesë aktive dhe të shëndetshme.

Për adhuruesit e natyrës, Travel to Discover Tirana organizon hiking jashtë qytetit, në Liqenin e Bovillës. Tre vajzat e guidës do të ndajnë me ju pasionin dhe eksperiencën e kaluar në vite me eksplorime. Ndërsa Hiking Adventure Club Albania ju ofron ditën e shtunë të vizitoni Ujvarën e Kakunjit dhe shkëmbin Askolaj, në Baldushk. Edhe të dielën mund të shijoni natyrën e bukur të zonave përreth Tiranës. Bashkohuni me Ecovolis BikeTour dhe mrekullohuni nga Liqeni super fantastik i Allmuçajve.

Pesë vitet e fundit Tirana është kthyer në një epiqendër jo vetëm të turistëve, por edhe të aktiviteteve të shumta sportive dhe kulturore.

m.v./Shqiptarja.com
  • Sondazhi i ditës:

    Ju duket i drejtë ndëshkimi deri në 15 vite burg për ata që thyejnë karantinën?

Komento