TIRANE- Pas një testimi gjashtë mujor, prej kësaj të shtune, 4 janar, autostrada 21 km e gjatë Kashar -Thumanë që lidh kryeqytetin me Veriun e vendit përshkohet me pagesë, për të gjithë ata që udhëtojnë me motor, autovetura, autobusë dhe kamionë.
Nga Kashari në Thumanë dhe anasjelltas drejtuesi i një makine të vogël paguan 2.5 euro, (aktualisht 250 leke) vetëm për një kalim siç dëshmon edhe fatura. Drejtuesit e automjeteve që kaluan të parët në autostradën me pagesë thanë se punimet janë kryer pa cilësi nga koncesionari Gener 2, ndaj taksa është e pajustifikuar.
Kompania koncesionare e biznesmenit afër Berishës, Bashkim Ulaj, që ka ndërtuar dhe mirëmban këtë rrugë, paralajmëroi në mes të dhjetorit se nga data 4 janar niste zbatimin e tarifës së miratuar, e cila fillonte nga 2.5 euro me TVSH.
Pagesa 2.5 euro për 21 kilometrat e rrugës, është vetëm për një kalim, pasi në kthim, drejtuesit e automjeteve do duhet të paguajnë sërish të njëjtën vlerë, pra në total vajtje-ardhje Kashar-Thumanë kushton 5 euro.
Tarifat sipas mjetit ne Thumane Kashar
Kompania koncesionare ka sqaruar se tarifat që do të aplikohen do t’i referohen kursit të Bankës së Shqipërisë për konvertimin nga euro në lekë. Ndërkohë tarifat do të diferencohen sipas kategorisë së mjetit.
Kategoria 1
Motocikletat
Paguajnë 70% të vlerës bazë prej 2.5 Euro.
Tarifa përfundimtare: 1.75 Euro (rrumbullakosur në 1.8 Euro) ose 170 Lekë (sipas kursit EUR/ALL 1:98).
Autoveturat (tarifa bazë)
Tarifa bazë: 2.5 Euro me TVSH.
Konvertuar në Lekë: 250 Lekë (me kursin EUR/ALL 1:98).
Mjete me 2-3 akse dhe lartësi mbi 2.2 metra
Paguajnë 250% të vlerës bazë.
Tarifa përfundimtare: 6.25 Euro (rrumbullakosur në 6.3 Euro) ose 620 Lekë (sipas kursit EUR/ALL 1:98).
Mjete me 4 ose më shumë akse
Paguajnë 350% të vlerës bazë.
Tarifa përfundimtare: 8.75 Euro (rrumbullakosur në 8.8 Euro) ose 870 Lekë (sipas kursit EUR/ALL 1:98).
Çmimet për Rinas - Kashar e Rinas - Thumanë
Shqiptarja.com dhe Report Tv sjell çmimet e afishuara për degëzimin që lidh Rinasin me Kasharin dhe Rinasin me Thumanën ose anasjelltas. Ata që udhëtojnë me automjet të lehtë nga Tirana drejt aeroportit të Rinasit, dhe anasjelltas paguajnë 80 lekë. Ndërsa kushdo që lëviz nga Veriu drejt Rinasit dhe anasjelltat, me automjet të vogël paguan 170 lek.
Shikoni tabelen e çmimeve nga Rinasi për në Kashar dhe anasjelltas
Foto: Tabela e çmimeve nga Rinasi për në Kashar
Tabela e çmimeve nga Rinasi për në Thumanë dhe anasjelltas
Foto: Tabela e çmimeve nga Rinasi për në Thumanë dhe anasjelltas
5 euro Thumane - Kashar vajtje ardhje
Pagesa 2.5 euro për 21 kilometrat e rrugës, është vetëm për një kalim, pasi në kthim, drejtuesit e automjeteve do duhet të paguajnë sërish të njëjtën vlerë, pra në total vajtje-ardhje Kashar-Thumanë kushton 5 euro. Duke marrë një shembull të thjeshtë, një qytetar me banim në Lezhë dhe punë në kryeqytet, çdo ditë duhet të paguajë 500 lek vajte-ardhje.
Për të vjelë taksën e rrugës kompania koncensionare Gener 2, ka vendosur 3 pika sportelesh me disa kabina pagese, në daljet nga Tirana, Thumana dhe Rinasi. Vlera e taksës ndryshon për mjetet e tonazhit të rëndë dhe të transportit publik. Për kalimin e të gjithë autostradës 21 km, kamionët paguajnë 8.80 euro ndërsa autobusët 6.30 euro.
Foto: Harta ku ndodhen tollet në autostradën Thumanë Kashar!
1 -- Tolli, trau, ku duhet të paguajnë ata që vijnë nga veriu për të kaluar në autostradën Thumanë - Kashar ose në Rinas
2- Tolli, trau ku duhet të paguajnë për të hyrë në autostradën Kashar - Thumanë dhe shkon drejt Veriut ose në Rinas
3- Tolli, trau ku duhet të paguajnë qytetarët nga Rinasi për në veri ose në Kashar.
Koncesioni 35 vjecar
Autostradë 21 kilometra e Kategorisë A Thumanë-Kashar u hap për qarkullim në 30 qershor 2024. Deri tani, qarkullimi ka qenë falas, pasi kompania ka kryer testimet e nevojshme për të shmangur krijimin e radhëve. Gjurma e saj nis nga Thumana, 150 metra në brendësi të autostradës ekzistuese me 4 korsi, që lidh Milotin me Thumanën në drejtim të Fushë–Krujës. Shpejtësia e projektuar për këtë rrugë është 130 kilometra/orë, ndërkohë që pjesë përbërëse e saj janë 14 nënkalime, 12 ura, 3 mbikalime si dhe korsi emergjencash në secilën anë.
Rruga u ndërtua nga kompania private Gener 2 sh.p.k dhe G2 Infra sh.p.k me një kosto 271 mln euro,( 226 milionë euro pa tvsh) sikurse u deklarua gjatë ceremonisë së çeljes pak muaj më parë. Sipas kontratës me ministrinë e Infrastrukturës koncesionari planifikon të mbledhë mbi 1.3 miliardë euro (pa TVSH) si të ardhura bazë nga tarifa për 35 vite.
Tarifa në euro, sipas ‘Gener 2’ do të përllogaritet çdo vit në bazë të kursit të këmbimit lekë/euro dhe do të pasqyrohet në vlerë në mënyrë kumulative çdo 4 vjet. Kontrata parashikon gjithashtu rrumbullakosje të çmimit kur është me presje dhjetore. Pra teksa monedha vendase është leku, pagesa në lekë do të bëhet në bazë të një kursi që do të përcaktohet në kontratë, i afërt me kursin e tregut.
Milionat qe garanton shtetit
Një element tjetër i kontratës është ai lidhur me garantimin e të ardhurave bazë që do të vijnë nga operimi i rrugës. Shteti merr përsipër që në 8 vitet e para të nisjes së operimit nëse nuk arrihet plani bazë të ofrojë mbështetje. Kështu në vitin e parë plani bazë i të ardhurave për operim dhe mirëmbajtje është 26.85 milionë euro ndërkohë që shteti do të garantojë 8 milionë euro, në vitin e dytë që përkon me vitin 2025 plani bazë i të ardhurave është 25.58 milionë euro dhe garancia e shtetit ulet në 5.6 milionë euro. Në vitin e tretë të operimit plani i të ardhurave është 25.10 ndërkohë që nëse nuk arrihet ky plan garancia e shtetit është për 3.92 milionë euro. Vit pas viti plani i të ardhurave ndryshon duke shkuar në 63.15 milionë euro në vitin 2055 teksa mbështetja e shtetit ndalet në vitin 2031 kur garancia e parashikuar është 360 mijë euro.
Projektet e tjera për Bashkim Ulaj
Me firmën e zv/kryeministres Balluku Bashkim Ulaj u shpërblye me dy projekte të mëdha në dhjetorin e 2024. Projekti i parë është ai për ndërtimin e një TEC-i në Roskovec firmosur në mbledhjen e 18 dhjetorit 2024. E më 30 dhjetor qeveria miratoi kontratën koncesionare 44,6 milionë euro pa TVSH për projektimin dhe ndërtimin e segmentit rrugor Milot-Thumanë, 13,5 km i gjatë, pjesë e korridorit blu. Jo vetëm kaq Ulaj, botues dhe pronar i stacionit televiziv A2 së bashku me dy vëllezërit e tij Astrit dhe Ahmet Ulaj morën statusin e veçantë “investitor në strukturë akomoduese me 5 yje, status special” për ndërtimin e resortit turistik Blue -Borgo” në bregdetin e Velipojës.
250 lekë - fatura për kalimin (Thumanë-Kashar - Vs Kashar Thumanë)
.jpg)
170 lekë -Fatura e pagesës (Thumanë - Rinas Vs Rinas -Thumanë)
.jpg)
80 lekë - fatura e pagesës (Kashar- Rinas Vs Rinas -Kashar)
Nga sot, të gjithë ata që do të kalojnë në aksin Thumanë-Kashar do të duhet të paguajnë. Ndërkohë janë afishuar tabelat e çmimeve nga Rinasi për në Kashar dhe nga Rinasi për në Thumanë.
Gazetari Julian Shota ka marrë opionionet e qytetarëve udhëtuan në këtë rrugë.
“Pagesa nuk është e shtrenjtë, por rruga nuk është cilësore. Rruga ka valëzime, ka luhatje te ura. Të jetë një rrugë cilësore ia vlen të paguash. Unë u futa në aksin Lezhë-Tiranë. Pagesën e bëra me lekë (170 lekë), por mund të paguash edhe me euro”, tha një qytetar për Report Tv.
“Ne vijmë nga jashtë edhe jemi mësuar me këto pagesat e rrugëve. Ka të njëjtat standarde me jashtë, megjithatë ka amortizime se nuk besoj se ka mbaruar si punë. Pagesën bëra me lek”, tha një qytetar tjetër.
Komente
Lajme të tjera
-
Tritol lokalit në Tiranë më 25 mars/ Identifikohet e shpallet në kërkim 47-vjeçari, policia i gjen veshjet e përdorura ditën e ngjarjes dhe biçikletën me të cilën u largua (EMRI)
29 Mars, 13:52 -
Veliaj: Tirana, një qytet solidar me 8 qendra sociale për nevojtarët
29 Mars, 13:23 -
E dënuar me 1 vit burg për falsifikim parash, arrestohet 27-vjeçarja në Lushnjë
29 Mars, 11:14 -
Tirana e didikuar Motosportit, ‘Automotive Fair Albania 3’ sjelle eksperinca unike! Pilotët: Aktivitete të tilla kishin munguar
29 Mars, 11:12
-
Sherr për një vend parkimi në Kamëz, shpallet në kërkim autori i plagosjes së 29-vjeçarit! Report Tv siguron foto nga momenti i përplasjes (EMRI)
29 Mars, 08:47 -
Moti i keq/ Breshëri dëmton 160 hektarë parcela të kultivuara me pjeshkë në Lushnjë
29 Mars, 07:36 -
Aksident në Lushnjë/ ‘Audi’ del nga rruga dhe përfundon i përmbysur në parcelë, 3 të plagosur! Shkak dyshohet shpejtësia e lartë
29 Mars, 07:07 -
VIDEO/ 'O Braçe ku je', Rama batuta nga Njësia 5! Deputeti i 'ankohet': Shiko ndonjëherë Instagramin tim, s'bëhet qameti, ty të shohim që në mëngjes
28 Mars, 22:20 -
Si u hodh në erë me dinamit shtatorja e Stalinit në Tiranë, më 28 Mars 1990! Rrëfehet për 'Esencë' Bujar Nallbani: Frika dhe lumturia ime e atyre ditëve!
28 Mars, 22:05
-
E ngarkuara me punë Nancy VanHorn uron komandantin Alban Dervishi për detyrën e re: Partneriteti ynë e bën Amerikën më të fortë
28 Mars, 20:12 -
Muaji i Ramazanit/ Rama shtron iftar: Myslimanët e Shqipërisë nuk janë problem, por vlerë e shtuar! Për ne BE më shumë se një grup traktatesh, është vëllazërim
28 Mars, 18:14 -
Në SPAK rezistenca kundër resortit të Bashkim Ulajt në Velipojë! Banorët: Ja si na u grabit prona! T’i tregojmë shtetit çfarë kriminelësh ka këtu
28 Mars, 18:09
Shume mire , kjo eshte BE ! Me futjen ne BE skeni pa gjo akoma
PërgjigjuClidhje ka BE ktu? BE nuk imponon menyrat e operimit me autostrada.
Aman, shtoni “sportelet” qe te mos presim shume ne radhe! Ne 30 Dhjetor, ne mbremje, qeveria miratoi edhe 3 koncensione te tjera rrugesh, me vlere 1 miliard Euro. Edhe tri rruge te tjera private, ku per te kaluar do te paguajme. Pra, keto 1 miliard Euro do i paguajme ne, nga xhepat tane, edhe pse paguajme e do te vazhdojme te paguajme taksat cdo muaj per te mbushur buxhetin e shtetit, me te cilin qeveria duhet te financoje investimet publike. Do i paguajme ne dhe femijet tane, per 35 vjet me radhe. Edhe pse nje nga rruget eshte e ndertuar nderkohe me fonde publike dhe i eshte dhuruar kompanise oligarke per ti hedhur nje shtrese asfalt e ti vere traun pastaj. Nuk e di se perse miratimi u be naten(jo diten) e fundit te vitit. Ndoshta per te shmangur vemendjen dhe reagimin publik…. Po pse naten e fundit te vitit? Kush tha se ne do benim ze. Ja, e pate cfare ndodhi pasi u be publik lajmi? Media heshti, opozita heshti. Ndersa te tjeret po diskutojne ashper ne rrjet per ate krenarin me mjeker te Big Brother. Mu kujtua nje histori, duhet ta keni degjuar por na shkon shume….. na shkon edhe per reagimin publik edhe per ate krenarine e atij te BBV. Ne nje fshat shqiptar, ne kohen e Perandorise Osmane, nje pasha qe qeveriste zonen vendosi te vere nje takse per te kaluar uren mbi lume. Keshilltari i tha te mos e bente, se fshataret do revoltoheshin, pasi ishin te varfer e s’kishim te paguanin. Por ai e vendosi. Te nesermen fshataret kaluan uren, paguan pa bere ze dhe shkuan ne pune te tyre. Pak dite me pas, Pashai vendosi te beheshin dy pagesa, edhe ne hyrje eshe ne dalje te ures. Keshilltari tha: Mos, se tani do te revoltohen. Por fshataret paguan ne hyrje te ures, paguan edhe ne dalje, e vazhduan rrugen serish kokeulur. Pashai nje dite therriti keshilltarin e i tha: Do te veme nja dy ushtare ne mes te ures qe tua bejne ne b….. fshatareve. Jooooooo bertiti keshilltari, tani do te kete revolte. Dhe ne mengjes dy ushtare u vendosen ne mes te ures e ua ulen poturet me radhe fshatareve. Ne dreke tek zyrat e Pashait u zhvillua proteste. -Ja - tha keshilltari, a te thashe qe do kete trazira. Pashai priti nje perfaqesi te protestuesve dhe i pyeti cfare donin. -Ju lutem, thane ata, shtoni ushtaret qe te na e bejne me shpejt, se po vonohemi duke pritur ne radhe.
PërgjigjuAman, shtoni “sportelet” qe te mos presim shume ne radhe! Ne 30 Dhjetor, ne mbremje, qeveria miratoi edhe 3 koncensione te tjera rrugesh, me vlere 1 miliard Euro. Edhe tri rruge te tjera private, ku per te kaluar do te paguajme. Pra, keto 1 miliard Euro do i paguajme ne, nga xhepat tane, edhe pse paguajme e do te vazhdojme te paguajme taksat cdo muaj per te mbushur buxhetin e shtetit, me te cilin qeveria duhet te financoje investimet publike. Do i paguajme ne dhe femijet tane, per 35 vjet me radhe. Edhe pse nje nga rruget eshte e ndertuar nderkohe me fonde publike dhe i eshte dhuruar kompanise oligarke per ti hedhur nje shtrese asfalt e ti vere traun pastaj. Nuk e di se perse miratimi u be naten(jo diten) e fundit te vitit. Ndoshta per te shmangur vemendjen dhe reagimin publik…. Po pse naten e fundit te vitit? Kush tha se ne do benim ze. Ja, e pate cfare ndodhi pasi u be publik lajmi? Media heshti, opozita heshti. Ndersa te tjeret po diskutojne ashper ne rrjet per ate krenarin me mjeker te Big Brother. Mu kujtua nje histori, duhet ta keni degjuar por na shkon shume….. na shkon edhe per reagimin publik edhe per ate krenarine e atij te BBV. Ne nje fshat shqiptar, ne kohen e Perandorise Osmane, nje pasha qe qeveriste zonen vendosi te vere nje takse per te kaluar uren mbi lume. Keshilltari i tha te mos e bente, se fshataret do revoltoheshin, pasi ishin te varfer e s’kishim te paguanin. Por ai e vendosi. Te nesermen fshataret kaluan uren, paguan pa bere ze dhe shkuan ne pune te tyre. Pak dite me pas, Pashai vendosi te beheshin dy pagesa, edhe ne hyrje eshe ne dalje te ures. Keshilltari tha: Mos, se tani do te revoltohen. Por fshataret paguan ne hyrje te ures, paguan edhe ne dalje, e vazhduan rrugen serish kokeulur. Pashai nje dite therriti keshilltarin e i tha: Do te veme nja dy ushtare ne mes te ures qe tua bejne ne b….. fshatareve. Jooooooo bertiti keshilltari, tani do te kete revolte. Dhe ne mengjes dy ushtare u vendosen ne mes te ures e ua ulen poturet me radhe fshatareve. Ne dreke tek zyrat e Pashait u zhvillua proteste. -Ja - tha keshilltari, a te thashe qe do kete trazira. Pashai priti nje perfaqesi te protestuesve dhe i pyeti cfare donin. -Ju lutem, thane ata, shtoni ushtaret qe te na e bejne me shpejt, se po vonohemi duke pritur ne radhe.
PërgjigjuNuk e kuptoj pse të shkosh në jug nuk paguan asgjë e për veriun ka tarifa? A nuk e doni veriun t’i afrohet Tiranës apo mendoni se jemi ma bosa?!
PërgjigjuO Fake Lezha! Ta vendosin traun edhe tek tuneli i Llogarasë e kush nuk do të paguajë, të ngjitet malit!
Shkadran! Vetëm kjo është aotostradë që ecet me 130 km/orë! Ndërsa Kashar Vlorë aty ku ecën dhe gomerët dhe karrocat nuk quhet autostrad por ju jeni gjithnjë kundra rrymës.Tarifa nga Thomana deri në Rinas është e pranueshme,Mund ti bini nga rruga e vjetër për mos me pague.
Embushe kupen o edi rama...
PërgjigjuKujt i thoni Tillë, o idiota! Pse bëni llogari në euro o idiota?! Ne kemi valutën tonë
PërgjigjuPer ate far autostrade. Qe vetem autostrad nuk quhet. Rrini flini gjum shoqeria civile te na e pijne edhe gjakun e fundit. 1 her kalova aty kur ishte pa pagese edhe garrumbull ne dalje te laçit. Nejse qorrat kan ngel kaq ambicie kan edhe kaq eshte niveli jetik. Skan faj politikanet.
PërgjigjuRRUGE PA CILESI DHE ME PAGESE,,,ASNJE LEK MOS JEPNI PER 20 KM RRUGE,,,PER ME TEPER DHE PA CILESI.....
PërgjigjuBjeri nga fushe kruja
Edhe ne Itali paguajm por eshte me lire per km, çmimet duhet te jen te perballushme sepse nuk mund te hargjojm ne te ardhmen 20 euro per te shkuar nga Shkodra deri ne Tirane
PërgjigjuNuk jam kunder pageses sepse ne nuk jemi Gjermania por te jet nje çmim i arsyeshem. Nga Rimini ku jetoj e deri ne Cesena ne Itali jane 35 km dhe paguhet 1.40 euro pra pothujse gjysma. Kerkoje ne internet po deshe
Vetem te kalosh nga Franca ne Itali nepermjet tunelit të Mont Blanc (11.6 km), paguan 52.30 Euro për makinë të vogël. Nga Veriu i Italisë deri në Jug, paguan rreth 200 Euro në toll fees. Kuptohet që standartet e rrugëve janë më të mira, por lërini budalliqet që krahasoni çmimet.
Me shku per parga, ka janina ke me kalue 12 tunele, male e ura. Tarifa 1.6 euro.
PërgjigjuJemi popull dele mir na bëjnë. Pse nuk flet lulzimja ose salesha si gjithmonë
PërgjigjuE pse duhet te flase Luli apo Sala kur ti voten ja ke dhene Rames qe po e ben kete pune! Eshte apo s'eshte biznesmen i Berishes ky Ulaj ketu po bashkpunon me Ramen prandaj nuk mund te jete justifikim as per artikullshkruesin dhe as per ju patronazhistet.
POPULLI TE NGRIHET,,,,TE SHEMBE ATO PIKAT E PAGESES, ,E TE MOS PAGUAJE ASGJE,,,,NA MBAJNE 200.000 LEKE SI TAKSE QARKULLIMI,,PLUS TAKSE TEK NAFTA KUR E BLEJME....
PërgjigjuNuk ka kuptim venia e cmimit ne Euro dhe pastaj konertohet ne lek. Sepse i jep mundesi abuzimi kompanise operuese. Cmimi po u caktua ne Euro duhet te pranohet te paguhet ne euro dhe lek me kursin e percaktuar per ata qe duan ta paguajne ne lek. Keta jane mesuar te hane nga te gjitha anet
PërgjigjuAi qe ju shperbleu dhe juve me toke te destinuar per shkolle ben qoka me padurite kombetare. Ulaj i Berishes leket ja jep Rama ahahhahaha
Përgjigju