POP 5

Lajmet më të lexuara të 5 minutave të fundit

Kultura

Nga paskuintat e Operas, në skenë/ Alegri, flirt e dashuri! ‘Don Kishoti’, një përrallë baleti me Adela Muçollarin

Në rolin e Kitrit në baletin “Don Kishoti” me koreografi të mjeshtrit Giuseppe Picone, Adela Muçollari tregon zbulon gjatë provave të fundit disa prej sekreteve të premierës...

Në Teatrin e Operës po bëhen përgatitjet e fundit... Personazhet e “Don Kishotit” duken sikur kanë dalë prej romanit të Servantes, e bëhen gati për të ripropozuar lojën e mjeshtrit Giuseppe Picone përmes gjuhës së trupit. Pjesa e baletit vihet në Opera pas 25 vjetësh. Emocionet ndihen që në ‘backstage’, ku çdokush kërkon të jap më të mirën. Është entuziaste Adela Muçollari për rolin e Kitrit, vajzës çapkëne që lufton për dashurinë me Bazilojn...

“Kitri është një sfidë për çdo primabalerinë se përveç anës teknike që ajo ka është dhe ana interpretative sepse është një vajzë pasionante, lozonjare, shumë e vendosur...”, tregon solistja e parë e baletit në Teatrin e Operas, Adela Muçollari.

Me të njëjtën vendosmëri që primabalerina del në skenë, duke i dhënë shkëlqim atmosferës festive, që endet në tri akte mes magjisë e ëndrrës...

“Të kërcesh me Bazilojn në rolin e Kitrit sigurisht që është një lojë e vërtetë sepse aty ti beson edhe tek ato përrallat e magjishme”, thotë ajo.

Me Ermir Koçekun përçojnë emocionet e një historie dashurie.

“Fillon me aktin e parë ku Kitri dashurohet me Bazilojn, pastaj është familja që gjithmonë e kundërshton, po ajo është gjithmonë këmbëngulëse, lozonjare, filtruese”, tregon Muçollari.

Muzika e Lwdving Minkus i ka të gjitha ngjyrat në këtë dritare romantike të Barcelonës, me njerëz të thjeshtë, fisnikë e ciganë, që u propozua për herë të parë në teatrin e Bolshoit një shekull e gjysmë më parë...

“Sigurisht që Don Kishoti është në motivet e flamengos ka erashka, ka kastanjetat, është muzika plot dinamikë”, thotë më tej.

Ndërsa kostumet e Dea Bejlerit e sjellin përrallën ‘të gjallë’, dhe afrojnë publikun me karakteret. Adela rrëfen se është totalisht e përfshirë në tri pjesët.

“Akti i parë ka një lloj dinamike të madhe. vërtetë më jep shumë shpirt... Akti i dytë është finesa, ëndrra, Adela e butë, delikate dhe sigurisht që akti i tretë është qershia mbi tortë”, shprehet Solistja e Parë e TKOB.

 Publiku në dy orë, për katër netë radhazi do të përjetojë nota alegrie, flirti, deliret e kavalierëve Don Kishoti dhe Sanço Panço të impenjuar në mbrojtjen e nderit, dashurisë dhe drejtësisë... Me Adelën takohet të premten në premierë...

“Unë mendoj që Don Kishoti është një balet që mund të shikohet dhe të ndiqet nga të gjithë mendoj se do besojnë sërish tek përrallat edhe tek dashuria e vërtetë...”, thotë Muçollari.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Spahiu: Rama dhe Berisha u forcuan më 2024, më të fortë edhe më 2025! Kreu i PD do që t’ia lërë partinë të bijës! Mendoni sikur Saliu të ishte kryeministër i Kinës?

Spahiu: Rama dhe Berisha u forcuan më 2024, më të fortë edhe më 2025! Kreu i PD do që t’ia lërë partinë të bijës! Mendoni sikur Saliu të ishte kryeministër i Kinës?

29 Dhjetor, 19:30