POP 5

Lajmet më të lexuara të 5 minutave të fundit

Ekonomi

Nga pornografia te mashtrimi, 180
kriminele kompjuterikë për ndjekje

Përdoruesit e Internetit në Shqipëri janë rritur me disa herë në vitet e fundit. Sipas të dhënave të publikuara nga Këshilli i Ministrave në “Dokumentin e politikave për sigurinë kibernetike 2015-2018, penetrimi i Internetit në Shqipëri në dhjetë vitet e fundit është rritur nga 0.97% në vitin 2003 në mbi 60% në vitin 2013.
Përdoruesit e Internetit në Shqipëri janë rritur me disa herë në vitet e fundit. Sipas të dhënave të publikuara nga Këshilli i Ministrave në “Dokumentin e politikave për sigurinë kibernetike 2015-2018, penetrimi i Internetit në Shqipëri në dhjetë vitet e fundit është rritur nga 0.97% në vitin 2003 në mbi 60% në vitin 2013. Ndërkohë që numri i shkeljeve të sigurisë së rrjeteve dhe sigurisë së informacionit është duke u rritur me shpejtësi.

Kjo shkakton humbje financiare dhe krijon rreziqe dhe kërcënime të reja për zhvillimin e Shoqërisë së Informacionit. “Në këtë kuadër është e domosdoshme që të ndërmerren hapa për zhvillim të sigurt të Shoqërisë së Informacionit”, thekson në dokument Këshilli i Ministrave.

Nga të dhënat zyrtare të Policisë së Shtetit mbi krimin kibernetik, të rregulluar sipas Kodit Penal të Republikës së Shqipërisë, rezultojnë se në periudhën janar - dhjetor 2014 janë evidentuar 180 vepra penale, janë zbuluar 76, me 86 autorë, nga të cilët 74 janë në gjendje të lirë, 10 të arrestuar dhe 2 në

kërkim. Për periudhën janar – dhjetor 2013, janë evidentuar 108 vepra penale nga të cilat janë zbuluar 63 prej tyre, me 69 autorë, nga të cilët 58 janë në gjendje të lirë, 9 arrestuar dhe 2 në kërkim. Krahasuar me të njëjtën periudhë të vitit të kaluar, janë evidentuar 66% më shumë vepra penale, me 17 autorë më shumë, 1 autor të arrestuar më shumë. Të ndara sipas veprave penale ato paraqiten si më poshtë:

- Neni 119/a, “Shpërndarja e materialeve raciste ose ksenofobike nëpërmjet sistemit kompjuterik”, evidentuar 1 rast, pa autor;
- Neni 143/b, “Mashtrimi kompjuterik”, evidentuar 49 raste, me 14 autorë në gjendje të lirë, 1 i arrestuar;
- Neni 186/a, “Falsifikim kompjuterik’’, evidentuar 28 raste, me 20 autor, nga të cilët 4 arrestuar dhe 16 në gjendje të lirë;
- Neni 192/b, “Hyrja e paautorizuar kompjuterike”, evidentuar 14 raste, me 7 autorë në gjendje të lirë;
- Neni 293/a, “Përgjimi i paligjshëm i të dhënave kompjuterike”, evidentuar 1 rast me 2 autorë, në gjendje të lirë;
- Neni 293/b, “Ndërhyrja në të dhënat kompjuterike”, evidentuar 33 raste me 16 autorë, nga të cilët 2 të arrestuar dhe 14 në gjendje të lirë;
- Neni 293/c, “Ndërhyrja në sistemet kompjuterike”, evidentuar 4 raste, me 3 autorë në gjendje të lirë;
- Neni 121 “Ndërhyrje të padrejta në jetën private”, 4 raste, pa autor;
- Neni 117, paragrafi i tretë, “Pornografia”, evidentuar 38 raste me 14 autorë në gjendje të lirë;
- Neni 121/a “Përndjekja”, evidentuar 4 vepër penale, zbuluar 3, me 2 autorë të proceduar në gjendje të lirë, 1 i arrestuar;
- Neni 137/a “Vjedhja e rrjetit të komunikimeve elektronike”, evidentuar 1 vepër penale, zbuluar 1, me 1 autor në gjendje të lirë;
- Neni 149/a “Shkelja e të drejtave të pronësisë industriale”, evidentuar 1 vepër penale, zbuluar 1, me 1 autor i cili është proceduar në gjendje të lirë.
- Shpifja, e parashikuar nga neni 120 i Kodit Penal, evidentuar 1 rast me 1 autor në gjendje të lirë.

Redaksia online
(S.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Gjermani/ Zgjedhje të parakohshme më 23 shkurt, ekstremi i djathtë: Nxjerrim vendin nga BE! Weidel e AfD dhe Scholz i SPD kandidatë për kancelarë

Gjermani/ Zgjedhje të parakohshme më 23 shkurt, ekstremi i djathtë: Nxjerrim vendin nga BE! Weidel e AfD dhe Scholz i SPD kandidatë për kancelarë

13 Janar, 15:19