Braziliani Sylvinho u prezantua të hënën si trajneri i ri i kombëtares shqiptare, duke pasuar Edy Reja-n dhe duke patur si qëllim kualifikimin në Europianin e 2024.
Mirëpo pritja që i është bërë 48-vjeçarit dhe stafit të tij ka qenë ndryshe nga kolegët e tij te kombëtarja. Sylvinho dhe dy ndihmësit Zabaleta dhe Doriva janë pritur fillimisht në aeroport nga një staf i federatës, të cilët më pas kanë bërë shoqërimin e tyre në hotelin ku qëndruan të dielën.
Më pas, ashtu siç ndodh edhe në prezantimet e klubeve më të mëdha në Europë, stafit të ri i janë qepur kostume të personalizuara për ditën e prezantimit ku Sylvinho ka qenë bashkë me Edy Reja-n, ish-trajnerit të kombëtares i cili mbylli kapitullin kuqezi në fund të nëntorit.
![](https://shqiptarja.com/template/img/NO_ALFA_Kuadrate shqiptarja.png)
Pas prezantimit stafi i ri ka inspektuar fushat ku do stërvitet kombëtarja si në ‘Shtëpinë e Futbollit’ ashtu edhe në Durrës, në qendrën ‘Tropikal’. Ajo që bie në sy është se pritja për Sylvinho-n ka qenë tejet prestigjioze, diçka e cila nuk ka ndodhur më herët me trajnerët e kombëtares. Jo më kot braziliani do përfitojë 1.1 milionë euro për 18 muaj si trajner i kombëtares.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)