Emërimi te 'Mbrojtja', Peleshi: Lëvizje politike, s'është për t'u fshehur jemi në një vit elektoral! PS mandat të tretë, i ka mbajtur të gjitha premtimet (VIDEO)

Në emisionin 'Pa protokoll', ministri Niko Peleshi ka folur edhe për marrëdhënien e tij me ish- kryeministrin Sali Berisha, ku rrëfen se ky i fundit e ka vlerësuar për punën e bërë në Korçës si krytar i Bashkisë. Madje ka zbuluar se Berisha ka qenë katër herë në zyrën e tij në Korçë.

"Marrëdhenie me ish – kryeministrin tani u bë një dekadë në fakt, por është e vërtetë që dhe kur kam qenë një drejtues në nivel lokal, kryetar Bashkie, jam përpjekur që të mbaj marrëdhënie shumë të mira. Jam përpjekur ti kem shumë të mira marrëdhëniet për arsye pragmatiste. Kam qenë një kryetar Bashkie në opozitë me qeverinë. Në atë kohë Bashkitë kishin buxhete shumë më të kufizuara se sa sot dhe pa një mbështetje nga qeveria qëndrore ishte e vështirë të mund të çoje përpara punët lokale. Duhet ta them që e ka vlerësuar, por unë kam drejtuar në kushte shumë tëë vështira. Nuk jam Bashkia që ka marrë grante apo mbështetje financiare nga qeveria megjithëse jam përpjekur që të mos i jap shkas asnjëherë. E kam pritur 4 herë kryeministrin e asaj kohe në Bashki, jam munduar të sillem si kryetar Bashkie jo si person partiak si përfaqësues politik. Nuk kam dal të kem ndonjë sukses shumë të madh në marrjen e mbështetjes konkrete nga qeveria, por kryeministri i asaj kohe është e vërtetë që ka qenë 4 herë në zyrën time", tha Peleshi.

Niko Peleshi është ndër të paktët ministër që nuk janë vendosur në shenjestër të opozitës, e për këtë ai thote se e ka bërë detyrën e tij me integritet dhe shumë profesionalizës...duke shtuar se kjo nuk do të thotë se kolegët e tij e kanë merituar. Ai thotë se për aq kohë i futet politikës, duhen marrë parasysh që do jesh i akuzuar.

"Kur je në politikë duhet të marrësh parasysh që mund të akuzohesh apo të goditesh, jo vetëm kur e meriton. Kështu që askush nuk mund ta projektoj dot vetë...Është e vështirë ta projektosh veten si një njeri që nuk do akuzohesh. Secili prej nesh ka në dorën e vet të ketë integritet edhe ndershëmri në kryerjen e detyrës. Por me thënë të vërtetën kjo nuk mjafton. Nuk dua të them që kolegë të mi, ministra apo  politikanë të cilët mund të gjenden të akuzuar në opinion publik nga opozita apo nga opinion e kanë merituar atë. Kjo nuk është e vërtetë. Ky është fati i keq i  çdo politikani që në këtë profesion duhet të përballet shpeshherë edhe me akuza të pamerituara. Nuk dua të them se askush nuk i ka merituar akuzat. Por nuk dua ti jap vetes time merita që nuk i kam se për sa kam unë nëë dorë, përveç integritetit dhe ndershmërisë në kkryerjen e detyrës, me thënë të vërtetën, e kam në  pjesë të tiparave të mia që mundohem të jem le të themi i ekuilibruar, edhe i qetë në komunikime aq sa do të ashpra politike. Pra nuk prirem të tensionoj të themi marrëdhëniet apo dialogun politik me këdo që kam përballë.  Nëse kjo është një nga ato që mund të jetë përceptuar edhe nga publiku edhe që ka lidhje me pyetjen tuaj këtë nuk di ta them, por unë nuk bëj dot ndryshe. Këtë natyrë kam sepse mendoj që në fund të fundit, para se të jemi të ndarë në të kuq dhe blu, demokratë, socialistë etj, jemi shqiptarë. E nuk e them këtë vetëm nga kjo Ministri ku jam, ku siç e thash kushdo të ishte do ta shikonte në rradhë të parë shqiptarinë të parën sepse e kemi detyrë Kushtetuese. Por besoj edhe ka folur vazhdimisht, edhe në të gjitha pozicionet që kam pasur, kam folur për paktë kombëtare. Kur kam qenë ministër i Bujqësisë përshembull, kam bërë disa herë thirrje  të mbytur, të padëgjuar në kuadrin e zhurmës së madhe politike në vend, pr një pakt kombëtar për sigurinë ushqimore përshembull. Natyrisht që nuk mund të marrë kohë nga kjo intervistë për të folur për një detyrë që nuk e kam më, por si sigurai ushqimore, ka edhe mbrojtja po e po, por ka edhe disa çështje të tjera të axhendës sonë kombëtare ku kampioni është integrimi në Bashkimin Europian, të cilat meritojnë të jenë pakte kombëtare larg zhurmës. Deri më sot asnjë gjë nuk i ka shpëtuar le të themi tensioneve politike. Nuk dua të bëj tani të them kush është fajtori, por unë vetë kam kontribuar, jam përpjekur të kontriboj me aq sa mundem në tërheqjen e vëëmendjes drejt çështjeve të rëndësishme që meritojnë bashkëpunim edhe jo drejt atyre që meritojnë ndarje",tha Peleshi.

Ministri Niko Peleshi rrëfen se çuditet gjithnjë kur e pyesin për marrëdhënien me kryeministrin Edi Rama, pasi sipas tij ky raport ëhstë i palëkundur, si nga pikëpamja personale ashtu edhe institucionale. Për këtë zbulon cili është çelësi i suksesit'.

"Marrëdhënie personale dhe institucionale janë shumë të mira. Nuk kam patur asnjëherë, asnjëherë asnjë lloj lëkundje, ndonëse besoj pyetja juaj lidet me faktin që unë për një farë kohe nuk kam qenë në kabinet. Shpeshherë ma bëjnë këtë pyetje dhe më duket çudi që ma bëjnë këtë pyetje. Sepse kush mund të pretendojë se është i përjetshëm dhe i përhershëm. Këtë nuk e them se e do rasti, por e besoj fort. Ne nuk jemi të  pazëvendësueshëm. Natyrisht që unë nuk jam ministri më i mirë i Mbrojtjes i mundshëm. Ashtu  siç nuk kam qenë ministri më i mirë i mundshëm i Bujqësisë. Ka shumë njerëaz të tjerë të cilët meritojnë të tregojnë veten, ti marrin këto përgjegjsi edhe pse jo, nga dora në dorë të tregojnë progress. Duken si fjalë të thëna kortesie, por nuk është kështu. Unë e besoj këtë gjë, e për këtë arsye natyrisht që marrëdhënia ime me kryeministrin ka qenë e njëjtë si kur kemi qenë në opozitë, kur kam qenë zëvendësi i tij apo edhe kur kam patur vetëm detyra politike. Kam qenë vazhdimisht le të themi tetë viteve të këtyre dy mandateve, kam qrnë drejtueës politik në qarkun e Korçës, e ky besim që më është dhënë, është padyshim shumë i madh, shumë i rëndësishëm, edhe unë jam mirënjohës atij që ma ka besuar mua para mijëra socialistëve të tjerë në qarkun e Korçës të drejtën apo detyrën për të drejtuar politikisht punët në një qark jo pak të rëndësishëm për vendin tonë", rrëfen ai.

 

Në emisionin 'Pa protokoll', ministri i Mbrojtjes Niko Peleshi ka folur për objektivat që ai ka në këtë post. Ai tha se ka disa pika kryesore ku do t ë përqëndrohet puna e tij duke nisur që nga shkolla për Forcat e Armatosura, si edhe porosinë për të forcuar mbrojtjen kibernetike.

"Për të qenë i sinqertë nuk kanë ngelur shumë muaj deri në përfundim të këtij mandate, pas këtyre zgjedhjeve unë mendoj se ne do të kemi një kabinet të ri të forcës politike që unë përfaqësoj, se cili do të jetë vendim im nuk mund të projektohet që tani dhe nuk mund të jetë në dorën time, por ju thash se angazhohem se do të punoj sikur të kem të gjithë mandatin e plotë përpara edhe pse kanë mbetur edhe disa muaj deri në përfundim të këtij mandate. Për sa kohë do kem në dispozicion do punoj për të hyrë e për të dalë ashtu si hyra nga kjo zyrë, por për të lënë një shenjë një gjurmë as sa do mundem, kjo më ka udhëhequr gjatë gjithë jetës sime politike, por edhe profesionale, gjithmonë kam dashur që të le një trashëgimi dhe të shtoj një vlerë aty ku jam. Nuk dua të flas në terma të përgjithshëm, së pari unë dua të kontribuoj në forcimin e marrëdhënieve. Unë do ti kontribuoj bashkëpunimit të partneritet strategjik me SHBA-të, me NATO-on, kemi detyra shumë të rëndësishme aty, do të kontribuojmë në mbrojtjen kolektive në disa misione. Dje kemi nisur një kontingjent në Letoni, prej 20 forcash, do t’i shtyj përpara këto axhenda dhe do të lëj edhe atje kontributin tim, për t’I forcuar akoma më shumë lidhjet me aleatët dhe partnerët tanë strategjikë.

Sa I takon ambicjeve të kësaj pjese mandati të mbetur unë do të fokusohem tek edukimi dhe trajnimi i Forcave të Armatosura. Ka një zhvillim shumë pozitiv, e përshëndes dhe e kam përshëndetur publikisht, ministren Xhaçka para meje, shefin e Shtabit të Përgjithshëm, të cilin e gjeta të apasionuar pas këtij projekti që do flas më pas dhe bëhet fjalë për Akademinë e Forcave të Armatosura. Pas shumë viteve pauzë edukimi i FA në Shqipëri që bëhej përmes kontibutit të vendeve aleate me tepër dhe kursve të shkurtra këtu, sot kemi një akademi, një program Bachelori, Masteri, pse jo më vonë edhe doktorature, sepse kemi qendër kërkimore shkencore pranë Akademisë. Sot kemi një Baçelor me 60 studentë që kanë kaluar disa filtra pas aplikimeve. Ky është vetëm fillimi dhe ka nevojë për mundësi dhe inovacion për këtë program të arsimit. Janë 30 kurse që zhvillohen jo në kuadrin e agjencisë, por në kuadrin e komandave tona të të gjithë forcës së armatosur, kemi bërë një diksutim të gjatë me shtabin e përgjithshëm këtu, por edhe me stafin e ministrisë, për të inkuadruar këto kurse brenda akademisë, por edhe për të plotësuar këtë akademi edhe me kurse të tjera të arsimit profesionale. Sot për sot flasim për kurrikula të fushës së Ushtrisë, por unë e shoh përtej kësaj edhe si një qendër të arsimit profesional me zanate, të cilat mund tí vlejnë edhe të rinjve.

Do të përpiqem me sa të kem mundësi për ngritjen e një institucioni të edukimit dhe trajnimit të FA-ve shumë të veçantë që do të jetë shumë i lakmuar dhe i kërkuar nga të gjithë të rinjtë tanë, sepse e ka mundësinë ky institucion dhe aleanca jonë në NATO për të prodhuar diploma të cilat në kudrin e Alencës por edhe në tregun jo vetëm brenda forcës sonë, por edhe në tregun e lirë të punë të jenë shumë të lakmuara. Keni parasysh që karriera profesionale e një ushtaraku nuk është e lehtë, nëse gjithçka shkon mirë mund të arrish në gradat më të larta, por mund të ndodh që një ushtarak të dështojë që të marrë gradën brenda periudhës që ai është i lejuar me ligj që të aplikoj. Çfarë ndodh me këtë ushtarak nese nuk arrin të marrë dot gradën, del në lirim në tregun e lirë të punës. I pajisur me çfarë? Nëse është i pajisur vetëm me aftësi ushtarake, ai nuk do mund t’i përdor dot këto në jetën civile, kështu përmes akademisë do të ndikojmë të formojmë ushtarak të pasur edhe me aftësi dhe profesione të tjera. Kam dhënë porosi që tani për punuar mbi një kurrikul që është mbrojtja kibernetike, që është pjesë e misionit tonë dhe mbrojtjes dhe sigurisë sonë kombëtare. Gjenden shumë pak specialistë, inxhinierë, persona të aftë për ta marrë përsipër, fale bashkëpunimit me partnerët tanë", tha Peleshi.

Për Niko Peleshin, drejtimi i ministrisë së Mbrojtjes, është posti më i rëndëisshëm që ka pasur deri më tani, duke u zotuar se do e bëjë me shumë devotshmëri këtë punë, por shtoi se nuk do të lërë pas as angazhimet politike.

"Së pari, dua të them që për mua nuk është hera e parë që drejtoj një institucion. Mbase ky mund të jetë institucioni ose portofoli më i rëndësishëm që kam pasur deri tani, në aspektin strategjik të fjalës, të rëndësisë strategjike, të rëndësisë kombëtare. Por, në eksperiencën time 15-16-vjeçare në politikë jam përpjekur dhe besoj se kam arritur të harmonizoj dhe të vë të parat interesat e qytetarëve dhe më pas padyshim, në mënyrë legjitime edhe interesat politike të forcës politike që unë përfaqësoj. Veçanërisht në këtë ministri, unë apo kushdo tjetër, duhet të vërë të parin interesin tonë kombëtar. Kështu që, së pari, dua të them që në këtë pjesë të mandatit tonë të dytë ku më është besuar ky dikaster, ky pozicion, do të mundohem që të punoj me devocion dhe të punoj sikur është dita e parë e mandatit. Pra, do të jap të gjitha forcat e mia për të bërë më të mirën për mbrojtjen dhe sigurinë kombëtare, për ta forcuar vendin tonë në Aleancën e NATO-s, për të forcuar lidhjet me partnerin tonë të veçantë, strategjik, ShBA-të, dhe padyshim edhe me BE-në sepse të gjitha përpjekjet tona të sigurisë kombëtare, të mbrojtjes së rendit kushtetues, të mbrojtjes civile padyshim i japin një dorë të rëndësishme edhe procesit më të madh historik që ne kemi, që është procesi i integrimit në BE.   

Pyetur nëse do të ketë prioritet ministria, përtej faktit se çfarë ndodh në Qarkun e Korçës politikisht, Peleshi dha këtë përgjigje.

          "Nuk do të ketë asnjëherë lidhje dhe ndërprerje të punës në përmbushje të misionit dhe të detyrës si ministër i Mbrojtjes me interesat e tjera politike. Interesat politike janë legjitime. Ne e kemi kërkuar vetë një sistem të tillë të demokracisë liberale, ku partitë politike janë ato që konkurojnë dhe më pas, në varësi se kush merr shumicën e votave merr të drejtën që të qeverisë. Ky është një sistem që e kemi kërkuar dhe nuk kemi bërë keq. Pra veprimtaria politike, partitë politike, ndonëse në mjedisin tonë politik, por edhe në atë botëror ne qoftë se doni, kanë marrë një lloj konotacioni negativ, por janë legjitime, janë themeli i sistemit politik të cilin e kemi adoptuar", përfundoi ministri.

Duke folur si drejtues politik i qarkut të Korçës,Niko Peleshi është shprehur i bindur se PS-ja do të marrë një mandat të tretë. Kjo siguri, shprehet se i buron nga fakti që kjo qeveri i ka mbajtur të gjitha premtimet elektorale.

          "Nuk paragjykoj votën e qytetarëve sepse e thashë që është një sfidë veçanërisht e vështirë, por nuk mund të fsheh edhe faktin që jam pjesë e një force politike dhe në të njëjtën kohë jam optimist. Nëse nuk do të isha optimist, nuk do të merrja përsipër as detyra politike, as detyra ekzekutive si kjo e ministrit të Mbrojtjes. Dhe nuk është vetëm për mua, nuk është formulë personale, por gjithkush në rast se beson që përmes angazhimit të vet mund të arrijë sukses, merr përsipër edhe përgjegjësinë. Unë jam edhe drejtues politik në një qark të rëndësishëm të vendit, në qarkun e Korçës dhe deri më sot kam folur me optimizëm, kemi arritur rezultate shumë të mira, shpresoj që do të arrijmë rezultate të mira, të cilat nuk janë vetëm, po dal tani te pyetja juaj, nuk janë vetëm rezultat i organizimit, i frymës dhe i punës që partia bën në nivel rajonal apo lokal, por janë edhe rezultat i performancës qeverisëse. Dhe për të dalë te përgjigjja për pyetjen tuaj: po, unë e besoj edhe qytetarisht që PS-ja, kryeministri Rama, meriton një mandat të tretë. Nuk flasim këtu për perfeksion, nuk flasim për tejkalime si njëherë e një kohë, të ambicieve apo të premtimeve. Flasim për një performancë shumë të mirë të kabinetit qeveritar, për përmbushje të premtimeve elektorale", tha Peleshi.

 

Nuk jemi qeveri perfekte, shton Peleshi, pasi sipas tij ka sektorë që mund të kishin ecur me ritme të më të shpejta, ashtu sikurse thotë se në disa fusha kanë kaluar pritshmëritë.

          "Në rast se nuk do të isha optimist apo në rast se nuk do të besoja apo nuk do të vlerësoja që kabineti qeveritar, qeveria e dalë nga vota për PS-në, nuk do të kishte përmbushur kontratën me qytetarët, natyrisht që nuk do të mund të isha edhe unë një optimist i pabazë. Nuk dua të them se kemi shkëlqyer në të gjitha drejtimet. Natyrisht që ka disa fusha, sektorë, projekte, programe ku kemi ecur me ritme më të shpejta, diku kemi ecur me ritme më të ngadalta, diku për arsye objektive, diku për arsye suvjektive le të themi, pra mund të kishim punuar më mirë në ndonjë projekt apo në ndonjë sektor, ashtu sikundër kemi tejkaluar edhe pritshmëritë tona në sektorë të tjerë. Në rezultante të së gjithës, unë jam i bindur që PS-ja, qeveria e buruar prej votës për PS-në, kryeministri Rama, e meriton për të mirën e vendit, për të mirën e qytetarëve dhe pastaj për të mirën politike të forcës sonë, por për të mirën e qytetarëve meriton të ketë një mandat të tretë", shtoi ministri.

Ministri i mbrojtjes, Niko Peleshi në një intervistë për Report Tv pranoi se emërimi i tij në krye të këtij dikasteri, ka qëllim politike, për të arritur një maksimalizim të votave në fushatë! Peleshi ka vlerësuar kryeministrin Rama, sipas së cilit ka një "talent të spikatur t’iu përgjigjur ambicieve dhe sfidave të kohës me formatin më të mirë të mundshëm".  

"Kryeministri ka një mandat të fituar me votën popullore padyshim dhe ka të drejtë që ta kompozojë kabinetin qeveritar duke harmonizuar ambiciet dhe të gjitha angazhimet për të cilat është votuar kryeministri dhe PS-ja që sot qeveris e vetme vendin. Nuk është detyra ime që të komentoj lëvizjet e kryeministrit në kabinet, por një gjë është e sigurt që gjithmonë kryeministri, si çdo kryeministër, por unë besoj që kryeministri Rama ka një talent të spikatur për t’iu përgjigjur ambicieve dhe sfidave të kohës me formatin më të mirë të mundshëm. Siç e thashë nuk është e lehtë që të analizojmë një emërim, një emërtesë apo një vendim në mënyrë të shkëputur nga tërësia. Edhe kabineti qeveritar, ashtu si në shumë vendime të tjera, duhet të mbajë parasysh ekuilibra të caktuar apo të harmonizojë forcën politike me forcën teknike, nëse mund ta quajmë kështu. Mendoj që në të gjitha formatet që kryeministri Rama ka zgjedhur, nga viti 2013 e deri më sot, u janë ngjitur shumë mirë nevojave dhe sfidave të kohës. Nuk është për t’u fshehur që ne tani jemi në një vit elektoral, jemi disa muaj larg zgjedhjeve. Jo vetëm një qeveri si e jona, por çdo qeveri e çdo vendi demokratik fokusohet dhe mobilizohet që të justifikojë një mandat të ri. Ne jemi në një sfidë jo të lehtë, duhet thënë, sepse shkojmë për një mandat të tretë, me shumë besim por nga ana tjetër edhe të vetëdijshëm për faktin se do të jetë hera e parë në historinë politike 30-vjeçare në këtë sistem të ri të demokracisë liberale që një forcë politike merr një mandat të tretë. Kështu që është totalisht legjitime që edhe veprimet gjithmonë brenda kornizës ligjore, të kuadrit ligjor, të jenë me një vështrim dhe me një fokus edhe nga suksesi për të cilin synojmë të arrijmë politikisht në zgjedhjet e 25 prillit", tha Peleshi.