POP 5

Lajmet më të lexuara të 5 minutave të fundit

Sociale

Nga Sao Paolo në Kukës për turizëm, çifti brazilian: Kemi udhëtuar mbi 70 shtete, Shqipëria na ka surprizuar

Një çift turistësh nga Brazili po qëndrojnë në qytetin verilindor të Kukësit dhe shprehen të befasuar nga ajo çfarë panë e përjetuan në Kukës. Për Report Tv ata tregojnë mbresat ndërsa thonë se janë surprizuar nga Shqipëria dhe shqiptarët

Christiane S. Rinaldini dhe Antonio Mario Rinaldini nje çift turistesh nga San Paolo i Brazilit i takuam ne njërën prej kafeneve te Kukësit. Mario është tek te 70- tat ndërsa bashkëshortja e tij Kristjan 60-vjeçe.Nuk hezitojnë të tregojnë përshtypjen e tyre për Shqipërinë.

“Kemi udhëtuar në më shumë se 70 shtete, por hera e parë që jam në Shqipëri. Në Brazil ka përshtypje të tjera për Shqipërinë. E cilësojnë të varfër e të pazhvilluar, por unë jam surprizuar nga ajo që gjeta këtu. Njerëz të mirë, të bukur, qytet i pastër e vend i mrekullueshëm".- shprehet Mario.

Çifti brazilian nuk kishte informacion për Kukësin. Mario tregon se po ktheheshin nga Serbia, por gjatë udhëtimit nga rruga panë malin e Gjalicës, qytetin e vogël të Kukësit, liqenin e gjithçka që e rrethonte e janë befasuar. Kjo pamje nxiti bashkëshorten e tij për të ndaluar menjëherë në Kukës. Gjatë qëndrimit në qytetin e vogël verilindor kanë vizituar muzeun etnografik, një ekspozitë pikture pranë Pallatit të Kulturës. Janë befasuar nga ajo çfarë panë e përjetuan në Kukës.

Kristian, në çdo çast shkrep foto që ua dërgon miqve të saj në Brazil të kënaqur edhe me ushqimin, kushtet akomoduese e sigurisht edhe çmimet. Për Marion, çmimet në Shqipëri duken të njëjta me Brazilin, por shumë më të lira se në shtetet e Europës.

“Shqipëria ne Brazil nuk imagjinohet se është e bukur dhe me njerëz te mire. Kemi vizituar Tiranën, Durrësin, Shkodrën, Kukësin. Bashkëshortja më tha qëndro këtu sepse është bukur, malet, liqeni, njerëzit. Për Kukësin nuk kemi patur informacion, por na pëlqen. Shqipëria nuk ka ndryshim me Brazilin sa i përket çmimeve në restorante. Ushqimi është i mire dhe çmimet e njëjta”.- u shpreh ai.

Kristin e Mario thanë se nuk do të reshtin së foluri me miqtë e tyre për Shqipërinë e shqiptarët, sigurisht edhe për qytetin e vogël të Kukësit nga i cili u larguan me përshtypjet më të mira duke premtuar se do të kthehen serish.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça