Nga sot trajneri i ri i kuqezinjve, Sylvinho: E dërgojmë Shqipërinë lart

 

Sylvinho është prezantuar sot si trajneri i ri i kombëtares shqiptare. 48-vjeçari brazilian ka firmosur një kontratë 18-mujore me FSHF-në. Në fjalët e para si kuqezi ai tha se me punën e tij do ta çojë kombëtaren shqiptare lart.

“Doja t’u falënderoja që jeni këtu. Jam i kënaqur. Puna e një trajneri është e vështirë, kurrë e thjeshtë. Duhet të bëjmë zgjedhje, herë fiton e herë jo. Falënderoj Rejën për punën e bërë, këta futbollistë, zemrën dhe pasionin. Kemi dëshirë të sjellim rezultate pozitive për të dërguar kombëtaren në pozicionin e duhur. Këtë pashë kur takova presidentin për herë të parë. Edhe ai pa te ne urinë dhe dëshirën për të bërë mirë, për t’i dhënë vazhdimësi projektit.

LEXO EDHE:
SPECIALE/ Europiani i paharruar i shqiptarëve! Pamje, detaje dhe intervista ekskluzive nga Gjermania (VIDEO)

Të gjithë flasin për zgjedhjet e trajnerit apo pozicionin e tij. FSHF më bindi të merrja përsipër këtë punë. Jemi të kënaqur, besoj do bëjmë një punë të mirë”, u shpreh Sylvinho, i cili menjëherë firmosi kontratën me presidentin Duka.

Lajmi kryesor:

Prezantohet Sylvinho, i pranishëm edhe Reja! Braziliani me fjalët e para si kuqezi: E çojmë Shqipërinë në EURO 2024! Duka: Zgjedhja e duhur

K.T./r.k./Shqiptarja.com

TAG:
• edoardo reja
• sylvinho
• kombetarja shqiptare
• fshf
• Armand Duka
• euro 2024