Në "Pallatin e Sportit" Flamurtari të Vlorës këtë të shtunë duhet të luhej java e gjashtë e Kampionatit të Futsalit. Ndeshja mes Flamurtarit dhe Vllaznisë zhvilloi vetëm pjesën e parë, pasi në parket kishte akte dhune.

Shkodranët e futsalit kanë bërë një reagim në kanalet e komunikimit, teksa kanë treguar se pasi kanë shënuar, tifozët u futën në fushë dhe ushtruan një dhunë të paprecedentë, duke bërë thirrje që drejtësia të reagojë së bashku me organizatorët e Federatës Shqiptare të Futbollit.

Për fat të mirë asnjë i lënduar, ndërsa kjo situatë në futbollin shqiptar është për të ardhur keq, me dhunën që nga fushat e futbollit po zhvendoset në parket.

"Në Vlorë shkuam për të luajtur futboll dhe me qëllim të qartë për marrë pikët të cilat vetë i humbëm në Shkodër. Treguam karakter që në minutat e para të ndeshjes dhe kaluam 2 herë në avantazh. Nga ai moment asgjë nuk kishte më lidhje me sportin.

Ekipi jonë duke përfshirë edhe drejtorin Arben Xhaferi u përball me një dhunë të papreçendentë nga tifozeria vendase të cilët zbritën në fushë dhe dhunuan fizikisht të gjithë stafin e Vllaznisë Futsal.

Fatmirësisht gjithçka është mbyllur pa dëmtime serioze për shëndetin e lojtarëve por ngjarja është një njollë e zezë për sportin Shqiptar. I bëjmë thirrje Federata Shqiptare e Futbollit dhe organeve ligjzbatuese të merren masa ku ndëshkushmëria të jetë e atillë që askush të mos guxojë të përsërisë veprime të tilla", njoftojnë shkodranët.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera