POP 5

Lajmet më të lexuara të 5 minutave të fundit

Kosova & Rajoni

Ngërçi në Kosovë, Kurti: 2019 mbyllet pa qeveri! Mustafa: Nuk po e vonon LDK-ja, por ju!

Viti 2019 do të mbyllet pa një qeveri të re në Kosovë. Lideri i Vetëvendosjes Albin Kurti ka deklaruar në ditët e mbetura të vitit është e pamundur që formohet qeveria e re, ndërsa pritet nëse në janar do të ndodhë pajtimi me LDK-në.

Ngërçi në Kosovë, Kurti: 2019 mbyllet pa qeveri! Mustafa: Nuk po e vonon LDK-ja, por ju!

Albin Kurti dhe Isa Mustafa

Viti 2019 do të mbyllet pa një qeveri të re në Kosovë. Lideri i Vetëvendosjes Albin Kurti ka deklaruar se në ditët e mbetura të vitit është e pamundur që formohet qeveria e re, ndërsa pritet nëse në janar do të ndodhë pajtimi me LDK-në. ‘Në janar kemi përpara arritjen e marrëveshjes me LDK-në. 80 ditë nuk mjaftuan për ta arritur marrëveshjen që kërkohej sepse kishte kërkesa përtej mandatit. Ne kemi marrë mesazh të qartë në zgjedhje, që opozita e djeshme të jetë pozita e ardhshme.

Ne si lëvizje jemi munduar të reflektojmë në këtë mesazh. Ne kemi ofruar njërin nga dy postet që qytetarët na ofruan neve. E ofruam pozitën e kryeparlamentarit por ajo u refuzua. Unë pres që pas konstituimit të Kuvendit të fokusohemi në bërjen e koalicionit qeverisës sepse pengesat e panevojshme nuk i duam. Ne nuk do të ishim Vetëvendosje nëse nuk punojmë e kërkojmë ashtu siç duan qytetarët. Kohë për të humbur nuk kemi sepse s’kemi ekonomi të zhvilluar, nuk kemi shërbime të mira shëndetësore dhe pothuajse të gjithë sektorëve iu duhet ndërhyrje’ tha Kurti.

Por i menjëhershëm ka qenë edhe reagimi i kryetarit të LDK-së, Isa Mustafa që përmes një postimi në faqen e tij në Facebook, i përgjigjet Kurtit duke i thënë se nuk është partia e tij ajo që po pengon krijimin e qeverisë së re në Kosovë. Mustafa thotë se LDK-ja nuk po kërkon lëmoshë, por atë që i takon në raport proporcional me atë që ka fituar në zgjedhje, një deputet më pak se Vetëvendosje.

"Lidhja Demokratike e Kosovës është angazhuar për marrëveshje për bashkëqeverisje me LVV mbi bazën e rezultateve zgjedhore të datës 6 tetor, të certifikuara nga KQZ. Nga këto zgjedhje ka dalë LVV si fitues relativ me 29 deputetë dhe LDK, parti e dytë, me 28 deputetë. Nga zgjedhjet nuk ka fitues absolut, i cili jep ose është gjeneroz ndaj palës tjeter, por kemi një situatë ku përgjegjësia ndahet ndërmjet atyre që synojnë të bëhen partnerë në qeverisjen e ardhshme.

Prandaj VV duhet të heq dorë nga diskursi se i ka dhënë diçka LDK-së. Lirisht mund ta themelojë qeverinë në qoftë se kanë votë të qytetarëve dhe mandate për ta bërë atë. LDK nuk ka kërkuar lëmoshë, por kemi ofruar gatishmërinë për t'i shërbyer qytetarit në partneritet të plotë, në proporcion me mandatet në Kuvend. LDK nuk cakton data. Datat i cakton subjekti që del i pari në zgjedhe, ai që e merr mandatin për formimin e Qeverisë.

Por, LDK insiston që sa më parë të kemi formim të institucioneve dhe kjo nuk do të thotë se LDK domosdoshmërisht do të bëhet pjesë e qeverisë. Është obligim i fituesit të zgjedhjeve që të shmang vonesat dhe t’i eliminojë pengesat për formimin e institucioneve. Ne bëmë punën tonë, zhbllokuam procesin, përkundër që s’kishim marrëveshje e as njoftim se VV do të procedojë me Kryetarin e Kuvendit. Për hir të së vërtetës, LDK, jo që ka refuzuar por, ka vlerësuar se duhet ti takojë Kryeparlamentari me marrëveshje.

Caktimi i mandatarit, marrja e mandatit për Kryeministër dhe gjetja e zgjidhjes për formimin e qeverisë, në këtë fazë, është detyrim i subjektit që renditet i pari në zgjedhje" thotë Mustafa. Kuvendi i Kosovës u konstituua tre ditë më parë dhe kryetar u zgjodh Glauk Konjufca (me votat e LDK-se), por problem mbetet krijimi i qeverisë dhe ajo që ka ndarë Vetëvendosjen me LDK-në është posti i Presidentit, që Mustafa e ka vendosur kusht.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53