Ngërçi në Kushtetuese/ Rudina Hajdari negociatore mes Metës dhe Ramës?!

TIRANË - Kryetarja e grupit parlamentar të djathtë, Rudina Hajdari takoi këtë të shtunë presidentin Ilir Meta, ku thotë se i kërkoi të ndalë lojën e vjetër politike që sipsa saj ka vënë në shënjestër institucionet e drejtësisë, duke ju referuar këtu ngërçit të krijuar në Gjykatën Kushtetuese. Duke thënë se këtë kërkesë do ja bëjë së shpejti edhe kryeministrit Edi Rama, Rudina Hajdari duket të ketë marrë kështu, rolin e "negociatores" mes palëve, ku presidenti po sulmon mazhornacën dhe kreun e Këshillit të Emërimeve në Drejtësi si ushtar të partisë në funksion të procesit të zgjedhjes së anëtarëve të rinj të Kushtetueses.

Kreu i shtetit ka paralajmëruar se një nga rrugët që i ka mbetur popullit janë të marrë armët, ndërsa paralajmëroi se do të nisë takime me krerët e partive jo parlamentare. Aktualisht kjo përplasje krijuar ngërcin që në një vend vakant në Gjykatën kushteutese te jenë emëruar dy gjyqtare.

"I kërkova Kryetarit të Shtetit, Presidentit të Republikës, dhe në vazhdim do ia kërkoj edhe Kryeministrit e të gjithë faktorëve politikë, që të ndalin urgjentisht lojën e vjetër dhe të shëmtuar politike e cila ka vënë në shënjestër institucionet e drejtësisë me qëllim delegjitimimin e tyre.

Për 29 vite me rradhë, kjo klasë politike i ka dobësuar e delegjitimuar qëllimisht institucionet, në mënyrë që i vetmi autoritet në vend të ishin kryetarët e dy apo tre partive. Prandaj për 29 vite Shqipëria ka parë shumë krim dhe aspak ndëshkim.
Ka ardhur koha që kjo të marrë fund.

Vendi, sot më shumë se kurrë, ka nevojë jo për burra që hiqen si të fortë para kamerave, por për institucione të forta të cilat japin drejtësi për të gjithë, të varfër apo të pasur, me apo pa pushtet.

Ka ardhur koha që vendin ta qeverisin institucionet, ligji dhe kushtetuta", shkruan Hajdari.

G.M./Shqiptarja.com

TAG:
• gjykata kushtetuese
• Ilir Meta
• Rudina Hajdari