Kishin ardhur për pushime në Shqipëri, por kjo e diel ka rezultuar tragjike për dy pushues nga Maqedonia e Veriut dhe një tjetër nga Kosova. Në plazhin e Spillesë në Kavajë dallgët i morën jetën dy pushuesve nga Maqedonia e Veriut, të identifikuar si Cvetko Mitanovsi 78 vjeç dhe Mirko Miçevski 79 vjeç. Të moshuarit, ndonëse nuk dinin not, u futën në det për t'u larë, por për shkak të detit të trazuar, nuk mundën të dilnin dot në breg.
Agust Hoxha, Instruktor i Federatës së Vrojtuesve, në një lidhje telefonike për 'Report Tv", tha se dy të moshuarit ishin futur për t'u larë në një plazh publik, pa vrojtues. Megjithatë, vrojtuesit e subjekteve private i shkuan në ndihmë, duke i nxjerrë në breg dhe më pa si dhanë ndihmën e parë, por dy pushuesit nuk arritën të mbijetonin.
Ndërkohë, më herët, një pushues nga Kosova humbi jetën në plazhin e Velipojës. 59-vjeçari Hasan Hysenaj u fut në det për t'u larë, por nuk doli i gjallë nga uji. Nuk dihet nëse ai ka pësuar ndonjë komplikacion shëndetësor teksa ishte në ujë, apo nëse është mbytur për shkak të detit të trazuar. Policia ka nisur hetimet për zbardhjen e plotë të ngjarjes.
Bilanci i pushuesve që kanë humbur jetën në det, fatkeqësisht edhe këtë sezon veror ka qenë tragjik. Kujtojmë se një ngjarje tjetër tragjike u regjistrua disa ditë më parë edhe në plazhin e Gjirit të Lalzit, ku u mbyt 22-vjeçari Arjan Sallahu. I riu u mbyt më 17 gusht, ndërsa trupi i tij u gjet 2 ditë më pas.
Shpesh, shkak për rastet fatale, në bregdete është bërë edhe mungesa e rojeve bregdetare. Prej javësh, Report Tv ka raportuar mbi problematikën e mungesës së rojeve bregdetare në plazhet shqiptare, mirëpo ky denoncim i vazhdueshëm duket se ka rënë në vesh të shurdhët. Asnjë nga autoritetet apo bizneset që e kanë për detyrim punësimi e një roje bregdetare nuk ka reflektuar, çka ka sjellë që pasoja të jenë fatale.
Foto nga vendi i ngjarjes në Spille
Një bilanc tragjik është regjistruar ditën e sotme në vendin tonë, ku si pasojë e mbytjes në det kanë humbur jetën 3 pushues, njëri prej të cilëve ishte edhe polici 59-vjeçar nga Kosova, Hasan Hysenajn.
Përmes një postimi në rrjetin social Facevook, Komuna Shtime i ka shprehur ngushëllime familjarëve, të afërmve dhe kolegëve të punës për ikjen e parakohshme të policit.
“Do ta kujtojmë përherë Hasan Hysenajn, jetën dhe veprën e tij në shërbim të qytetarëve dhe të shtetit të Kosovës, përkushtimi i pashoq dhe profesionalizmi i lartë, ishin vyrtyt i tij, andaj, kujtimi për të do të jetë i përjetshëm!”, shkruhet në postim.
Instruktori i Federatës së Vrojtuesve, Agust Hoxha, në një lidhje telefonike për 'Report Tv' ka dhënë të tjera detaje nga rrethanat se si ndodhi ngjarja e rëndë në plazhin e Spillesë, ku humbën jetën 2 pushues nga Maqedonia e Veriut. Hoxha tha se të moshuarit ishin futur për t'u larë në një plazh publik pa roje bregdetare, por megjithatë rojet e subjekteve private në zonë i kishin shkuar në ndihmë pasi i kishin parë duke u mbytur në det. Ata u nxorën në breg dhe iu dha ndihma e parë, por nuk mund të mbijetonin.
"Dy pushuesit nga Maqedonia e Veriut që u mbytën në Spille kanë qenë në një plazh publik që nuk ruhen nga vrojtues. Vrojtuesit në zonë që i panë i erdhën në ndihmë dhe i nxorën në breg dhe i dhanë ndihmën e parë, por nuk ishte e mundur të shpëtoheshin", tha ai.
Hoxha pati dhe një thirrje për të gjithë pushuesit duke i kërkuar që të respektojnë rregullat e vrojtuesve në plazhe dhe të dëgjojnë këshillat e tyre, pasi deti është i rrezikshëm.
"Edhe pushuesit janë neglizhentë nuk respektojnë rregullat e vrojtuesve, nuk lexojnë tabelat, kalojnë dhe ndarëset në det që nuk duhet t'i kalojnë, shkojnë më shumë se 150 metra distancë nga bregu. Vrojtuesit përballen shpesh me raste të tilla pushuesit nuk respektojnë rregullat dhe nuk dëgjojnë se çfarë i themi. Pas konsumimit të ushqimit nuk duhet të futesh në ujë para 40 minutash sepse mund të pasojë atak kardiak. Deti është i rrezikshëm", u shpreh ai.
Një ngjarje e rëndë u regjistrua mesditën e sotme në plazhin e Spillesë në Kavajë, ku u mbytën në det dy pushues nga Maqedonia e Veriut. Bëhet me dije se dy pushuesit nuk dinin not, ndërsa plazhi ku ata u futën për t'u larë ishte plazh publik, pa roje bregdetare. Megjithatë, vrojtuesit e plazheve private i erdhën në ndihmë dhe i nxorën në breg duke i dhënë dhe ndihmën e parë, por të moshuarit nuk mundën të mbijetonin. Ata u panë me vonesë nga vrojtuesit, për shkak të dallgëve të larta, që i morën edhe jetën.
Një tjetër pushues është mbytur në plazhin e Velipojës këtë të dielë, pas mbytjes së dy personave në Spille.
Policia njofton se rreth orës 11:15, në plazhin e Velipojës, shtetasi Hasan Hysenaj rreth 59 vjeç, dyshohet se është mbytur në det.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Komente
Lajme të tjera
-
Kavajë/ Vodhi 4 makina gjatë 9 muajve, arrestohet 42-vjeçari! Braktisi një nga mjetet në Vilë Bashtovë pasi u ndoq nga policia
20 Tetor, 12:27 -
Veliera e tij u gjet në Karpen të Kavajës, pronari gjerman ende i zhdukur, djali i tij: S'kemi kontakt prej 1 muaji
13 Shtator, 12:26 -
FOTO/ Prej vitesh në gjendje të mjerueshme, nis shembja e stadiumit 'Besa' në Kavajë
13 Shtator, 10:14 -
Ishte nisur nga Bari i Italisë, veliera e braktisur gjendet e ngecur në rërë në Karpen të Kavajës! Dyshohet se drejtuesi ra në det, u gjet dhe armë (VIDEO)
12 Shtator, 16:50 -
3 të mbytur gjatë ditës së sotme në Durrës dhe Velipojë
7 Shtator, 21:21 -
Kavajë/ I vuri zjarrin stallës së bagëtive të kushëririt në Golem, arrestohet 25-vjeçari
6 Shtator, 09:37 -
EMRI/ Italia e kërkonte për narkotrafik dhe organizatë kriminale prej vitit të kaluar, arrestohet për ekstradim 26-vjeçari në Kavajë (VIDEO)
4 Shtator, 13:47 -
Kavajë/ Po dilte nga banesa ku hyri për të vjedhur, arrestohet në flagrancë 40-vjeçari
2 Shtator, 15:02 -
Siguria detare/ Nga Ksamili në Koman 18 mjete lundruese të bllokuara gjatë kësaj jave! Gjobiten me nga 1 mln lekë drejtuesit e 4 mjeteve
1 Shtator, 11:43 -
Zjarr në fshatin Mengaj në Kavajë, helikopteri ‘Cougar’ punon për shuarjen e flakëve
26 Gusht, 12:55 -
Vrasja e dyfishtë në Velipojë, Gjykata lë në qeli dy punëtorët e arrestuar, në arrati 2 vëllezërit pronarë të hotel 'Holiday'! Kamerieri: E pashë kush qëlloi
22 Gusht, 14:36 -
Shoku vdiq në Velipojë, italiani: U përplasëm me Jet-Ski, por ai ra në det nga dallga! 50 ditë burg për 20-vjeçarin
22 Gusht, 13:36
Jam dakord,kur s'di not,nuk duhet te shkosh thelle,maksimumi deri aty ku kembet te mbeshteten plotesisht ne tabanin e detit,po te ecesh ne uje;problemi i dyte jane mungesa e rojeve,ose pamjaftueshmeria e tyre;problemi i trete eshte qe njerezit para se te shkojne ne pushime nuk konsultohen me mjekun,nuk marrin udhezime.Disa kane probleme me tensionin e zemren ,qe d.m.th.po qendrove ne Diell shume dhe po u fute direkt ne det,eshte me pasoja te renda;te tjeret pasi jane djegur tere diten,ne kulmin e vapes kujtohen te freskohen ne det,duke i shkaktuar trupit shok,ketyre u duhen shtuar,mosha,futja ne uje me barkun bosh,ose pas nje ushqimi te rende e te shumte,ose pasi ke pire alkool.Problemi i katert eshte qe shteti nuk ve tabela ne plazhe,pavaresisht te qenurit publike, o private,qe larja ne det ndalohet per te gjithe, kur ka dallge te medha dhe ere te forte,nuk ben njoftim as ne TV dhe as ne radiot lokale per kete gje.Edhe kur e ben,e ben vetem per tragetet dhe peshkarexhat.
PërgjigjuShumica e ketyre qe mbyten jane kosovar apo shqipetar te Maqedonise, nuk e kuptoj kur nuk dine not perse nuk lahen ne breg....
PërgjigjuEdhe një kosovar sapo u mbyt në Velipojë!!
Përgjigju