Argita Malltezi në krye të PD? Ngjela: Nëse Berisha dënohet, nuk lë dot as ‘testament politik’

 

I pyetur nëse Argita Malltezi mund të jetë e zgjedhura e Sali Berishës në testamentin e tij politik për Rithemelimin, avokati Spartak Ngjela tha se ish-kryeministri do humbasë besimin për të bërë testament të tillë nëse dënohet me vendim të formës së prerë nga GJKKO për korrupsion pasiv në aferën e privatizimit të kompleksit ‘Partizani’.

Në një lidhje skype për “Studio Live” në Report Tv, avokati tha se në rast të një vendimi të tillë, ky do ishte largimi zyrtar i Berishës nga politika.

“Berisha nuk mund ta konsiderojë veten si testator, pa dalë vendimi i gjykatës. Është politikan me besim të lartë ndaj vetes, nuk mund ta analizojmë si psikik por ka besim tek vetja. Do t’i ikë besimi për të bërë testamentin atëherë kur të dënohet me vendim të formës së prerë të gjykatës, se nuk do jetë më deputet. Ky është largim nga politika. Kjo është në rast se dënohet. Unë nuk e kam parë dosjen e tij, por edhe nëse do e kisha parë, nuk mund të flisja sepse jam avokat jo akuzator”- tha avokati.

Ndërsa sa i takon mundësisë që vajza e Berishës, Argita Malltezi ta pasojë atë në krye të Rithemelimit, Ngjela tha se është brenda normës politike duke nënvizuar se ka shembuj për ‘parti familjare’.

“Brenda normës politike është, ja ku i ke grekët. “Parti familjare”, nuk është vetëm këtu, ja ku e ke grekun familjare 4 breza. Kjo është një gjë normale, nuk e ndërron dot sepse del me vota, kundërshtarët nëse kanë ndonjë gjë për këtë lëvizje duhet t’i drejtohen elektoratit kur vjen votimi të mos japin votën”- argumentoi Ngjela.

Lajmi kryesor:

‘Sulmi’ i Bardhit e Nokës ndaj Açkës, Ngjela: Do shohim shumë raste të tilla! Opozita në gjendje jo të mirë psikike, ka humbur shpresat për pushtetin

B.V/Shqiptarja.com

TAG:
• Lufta brenda PD
• gazment bardhi
• flamur noka
• flutura acka
• spartak ngjela
• studio live