POP 5

Lajmet më të lexuara të 5 minutave të fundit

Kronikë

Ngrijnë llogaritë me 298 mijë € të
2 trafikantëve,erdhën nga Nigeria

Policia e Vlorës ka sekuestruar llogarinë bankare me shumën monetare prej 298.324 mijë euro, e cila dyshohet të jetë vënë në rrugë kriminale. 
Teksa është vënë në dijeni nga drejtoria e parandalimit të pastrimit të parave, policia e Vlorës ka sekuestruar ditën e djeshme dy llogari bankare, duke bllokuar një shumë financiare prej 298.324 euro. Sipas burimeve të prokurorisë dy llogarinë bankare përmbanin një sësi prej 162 mijë euro dhe 236.324 euro.

Kjo sasi e konsiderueshme euro është administruar në llogaritë bankare të hapura nga shtetësja Tatjana Bajramaj, e cila jeton në Vlorë. Hetimi për këtë rast është ndjekur nga policia e Vlorës në bashkëpunim me prokurorinë e këtij qyteti. Sipas informacioneve të referuara nga policia e Vlorës, thuhet se sasia e eurove ka mbëritur në dy llogaritë bankare, nga një shtet i Afrikës, dhe më konkretisht nga Nigeria.

Nga të dhënat që siguron “Shqiptarja.com” thuhet se dy personat që kanë urdhëruar transfertën e këtyre parave nga Nigeria, janë banorë të Vlorës dhe me precedentë të theksuar kriminal. Personat emrat e të cilëve nuk jepet nga policia dhe prokuroria pasi janë në verifikim e sipër, dyshohet të jenë të dënuar për trafik droge.

Gruaja e papunë
Kanë qenë Specialistët e Seksionit për Hetimin e Krimit Ekonomik e Financiar në Policinë Vlorë, që në bashkëpunim me Prokurorinë e VlorëS, ditën e djeshme kanë bërë të mundur sekustrimin e dy llogarive bankare të shtetases Tatjana Bajramaj, 57 vjeçe, banuese në Vlorë, me një shumë totale prej 298.324 Euro.

Nga verifikimet e kryera prej oficerëve të policisë kriminale në Vlorë ka rezultuar se gruaja që ishte pritësja e këtyre eurove, ishte e papunë dhe se aktualisht nuk ka asnjë aktivitet tregtar që ta justifikojë këtë shumë. Gjatë marjes në pyetje, 57-vjeçaria Tatjana Bajramaj ka treguar në polici se lekët ishin dërguar nga disa persona, biznesmenë me qëllimin e vetëm për të ndërtuar biznes në qytetin e Vlorës.

Por nga verifikimi i emrave që Bajramaj i ka dhënë policisë ka rezultuar se ata ushtrojnë aktivitet kriminal, kryesisht në trafikun e drogës. Ajo që ka habitur policinë është fakti se sasia e eurove ka mbëritur një një shtet afrikan, kontinent ky, që nuk e ka monedhë zyrtare euron.

Hetuesit ngrejnë dyshime të forta se sasia e eurove mund të jetë nxjerë nga aktiviteti kriminal në europë dhe më pas është transferuar në një bankë në Nigeri, ku presonat prej këtej kanë transferuar sasinë e eurove në dy llogari në një bankë në Shqipëri, ku më konkretisht pritësja e parave është shtetësja Tatjana Bajramaj, një grua e papunë në qytetin e Vlorës.

Letërporosi në Nigeri
Tashmë prokuroria dhe policia e Vlorës kanë nisur hetimet ndaj këtij rasti, ku për momentin po verifikohen disa persona. Në ditët në vijim prokuroria e Vlorës do i drejtohet me një kërkesë gjykatës së Vlorës, për të bllokuar për një periudhë kohe sasinë e eurove që ndodhen në dy llogari bankare.

Pritet që në ditët në vijim,prokuroria e Vlorës të dërgojë një letërporosi në Nigeri për të kërkuar informacion nga drejtësia e këtij shteti, lidhur me personat që janë paraqitur në bankën nigeriane, të cilët i kanë dhënë “ok” transferimit të kësaj shume financiare në Shqipëri.

d.c./shqiptarja.com
 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Trump nuk tërhiqet, poston foton e 'New York Post' me hartën ku Kanadaja dhe Groenlanda janë pjesë e Amerikës

Trump nuk tërhiqet, poston foton e 'New York Post' me hartën ku Kanadaja dhe Groenlanda janë pjesë e Amerikës

9 Janar, 16:20