POP 5

Lajmet më të lexuara të 5 minutave të fundit

Politikë

Komisioni për Dezinformimin, PS propozon kryetar Erion Braçen, dorëzon edhe emrat e anëtarëve! Opozita jo e unifikuar

Socialistët e kanë gati listën me 6 emrat që do t’i përfaqësojnë në komisionin e posaçëm për dezinformim, ndërsa besimin për ta drejtuar ia kanë dhënë Erion Braces. Opozita nga ana tjetër nuk vjen me vendim të unifikuar. Nga 5 vende që i takojnë, dy janë konfirmuar nga Mesila Doda dhe Fatmir Mediu, ndërsa Gazment Bardhi ende nuk ka një vendim për tre emrat që i takojnë demokratëve.

Mazhoranca ka propozuar emrat e 6 anëtarëve socialistë që do të jenë pjesë e komisionit të posaçëm për dezinformim. Besimin për ta drejtuar këtë komision, socialistët i’a dhanë Erion Braçes, ndërsa 5 anëtarët e tjerë do të jenë emra të rëndësishëm, disa prej të cilëve ish ministra, si Bledi Çuçi, Mimi Kodheli, Pandeli Majko, Enslemvera Zake dhe Etilda Gjonaj.

Nga 11 anëtarë të komisionit opozitës do t’i takojnë 5, ndërsa deri tani për Report Tv kanë konfirmuar pjesëmarrjen Mesila Doda nga Grupi për Demokraci dhe Integrim, dhe Fatmir Mediu i “Aleancës për ndryshim”.

Nga grupi i Rithemelimit, Gazment Bardhi kërkoi kohë kur socialistët e kaluan në Kuvend, ndërsa emrat e 3 përfaqësuesve të grupit të tij Parlamentar ende nuk i ka gati.

Ngritja e Komisionit të Dezinformimit erdhi si propozim i socialistëve me firmat e 7 deputetëve, kërkesë që sipas tyre ndjek të njëjtën linjë me vendet perëndimore dhe parlamentin evropian në luftën kundër dezinformimin dhe ndërhyrjen nga vendet e huaja. Propozimi i mazhorancës u pa me skepticizëm nga opozita, të cilët ndonëse në parim ishin dakord, e cilësuan si një nismë me mungesë transparence nga ana e socialistëve. Kohën Rithemelimi e kërkoi që të hiqej çdo dilemë nëse komisioni do të kishte hapësira për ndërhyrje apo jo në lirinë e medias.

Komisioni i Posaçëm për Dezinformim do të ketë një afat 1-vjeçar me fokus koordinimin dhe mbikëqyrjen e të gjitha përpjekjeve institucionale për të luftuar dezinformimin dhe format e tjera të ndërhyrjes së huaj në proceset demokratike në Shqipëri.

Anëtarët e propozuar nga PS

Erion Braçe (kryetar komisioni)

Bledi Çuçi

Mimi Kodheli

Pandeli Majko

Enslemvera Zake 

Etilda Gjonaj

B.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

24 Janar, 14:01