/ATSH-AFP/ - Të paktën 19 persona vdiqën sot pas shpërthimit të një bombe të vendosur te një vajzë rreth 10 vjeçe në një treg në Maiduguri, qytet i rëndësishëm i verilindjes së Nigerisë, njoftoi policia lokale.

"Numri i viktimave është 20 dhe i të plagosurve 18, përfshirë vajzën kamikaze që mundësoi shpërthimin e bombës artizanale", deklaroi për gazetarët Gideon Jubrin, zëdhënës i policisë në shtetit të Bornos, ku Maiduguri është kryeqytet.

Shpërthimi ndodhi pas mesditës, rreth orës lokale 12:40, kur tregu ishte i tejmbushur.