Nik Xhelilaj, aktori simpatik shumë i pëlqyer nga publiku shqiptar e më gjerë, po i ngjit me hapa të sigurt shkallët e suksesit.

Ai do të jetë protagonisti i një prej filmave më të bujshëm të kinematografisë gjermane. Televizioni Publik Gjerman do të rikthejë në ekran filmin “winnetou”, pas suksesit të tij 50 vite më parë.

Këtë herë, roli kryesor i është besuar aktorit shqiptar, të cilin regjisori Philip Stolzl e vlerëson me epitetin “ylli i shndritshëm ndërkombëtar”.

Tashmë kanë filluar në Kroaci xhirimet e filmit të ndarë në tri pjesë, i bazuar në librin e autorit Karl May.

Pjesëmarrës në këtë projekt do të jenë edhe yje hollivudianë, në role dytësore.

Shkrimi u botua në numrin e sotëm të gazetës "Shqiptarja.com",versioni print

Redaksia Online
(xh.k/shqiptarja.com)