POP 5

Lajmet më të lexuara të 5 minutave të fundit

Kosova & Rajoni

Nikoliç këshillon Daçiç: Jo
çmimin "Nobel" bashkë me Thaçin

Presidenti i Serbisë, Tomislav Nikoliç, kundërshton nominimin e kryeministri serb Ivica Daçiç për çmimin "Nobel", bashkë me kryeministrin e Kosovës, Hashim Thaçi.
BEOGRAD- Presidenti i Serbisë, Tomislav Nikoliç, kundërshton nominimin e kryeministri serb Ivica Daçiç për çmimin "Nobel", bashkë me kryeministrin e Kosovës, Hashim Thaçi.

Nikoliç ka derdhur vrer kundër kryeministrit Thaçi, duke thënë se “...vazhdimisht në arenën ndërkombëtare, në të gjitha institucionet, duke filluar nga OKB e deri të Këshilli i EUropës, flas për krimet kundër serbëve në Kosovë dhe për dyshimin se i ato i ka organizuar Thaçi”.

Nikoliç frikësohet se, tani kur Kryeministri Thaçi është nominuar për çmimin "Nobel", të gjitha hetimet kundër tij do të ndërpriten.

“Prandaj asnjë serb nuk mund të rrijë në krah të tij”, ka thënë Nikoliç, i dëshpëruar tej mase për nominimin e kryeministrit Thaçi për çmimin "Nobel".

Ai ka deklaruar se këto mesazh po ia dërgon Daçiçit, pasi ai po hesht. "Meqë po hesht, po ta jap këtë këshillë: Ka kohë, je i ri, mund të bësh shumë gjëra për Serbinë. Problemi i Kosovës nuk është zgjidhur. Kjo do të marrë kohë. Askush deri më tani nuk ka marrë çmim se ka filluar të bisedojë, por vetëm kur është zgjidhur problemi", i ka përcjellë porosinë kryeministrit të tij, Daçiç, presidenti serb Nikoliç.

Nikoliç ka thanë se i ka dhënë mbështetje Daçiçit për bisedime, por jo edhe që ai të marrë çmimin "Nobel".

"E kam pyetur në fillim Daçiçin: a je i gatshëm të bisedosh me Thaçin, kur është dashur t’i jepja mandatin për kryeministër. Detyra jote është të negociosh me atë që e kanë zgjedhur shqiptarët, por duhet ta dish se për çka dyshohet ai. Më është përgjigjur se pranonte, por ka kërkuar që prapa tij të qëndrojmë Vuçiçi dhe unë. Por, tani kjo me kandidaturën për çmimin "Nobel" është diçka tjetër”, ka thënë Nikoliç.

Marrë nga "Telegrafi"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35