X

POP 5

Lajmet më të lexuara të 5 minutave të fundit

Sociale

Nikolla dhe Manastirliu inspektime në Fier: Çdo institucion arsimor të garantojë standartet higjieno-sanitare

Ministrja e Shëndetësisë dhe Mbrojtjes Sociale dhe Ministrja e Arsimit kanë inspektuar shkollat e Fierit.

Ministrja e Shëndetësisë dhe Mbrojtjes Sociale, Ogerta Manastirliu dhe ministrja e Arsimit, Lindita Nikolla kanë inspektuar sot shkollën 9-vjeçare “Dine Ismaili” në Levan dhe shkollën e mesme “Janaq Kilica” në Fier për të parë nga afër kushtet higjieno-sanitare. 

Investimet në infrastrukturën arsimore ofrojnë sot një standart të përmirësuar te institucioneve te arsimit publik por cilado qoftë gjendja e shkollave për ne është e rëndësishme që në secilën prej tyre të ruhet një standart sa i takon respektimit të kushteve higjieno-sanitare për të garantuar mbarëvajtjen e duhur të vitit të ri shkollor që nis pas pak ditësh.

Përmës një aksioni mbarëkombëtar -për t’i paraprirë fillimit të vitit të ri shkollor- inspektorët e Inspektoriatit shtetëror shëndetësor kanë kryer 1094 inspektime (119 vetëm në Fier) në institucione arsimore publike dhe jo publike parashkollore(kopeshte), institucione arsimore shkollore(shkolla 9-vjecare dhe të mesme), institucione të arsimit të lartë si dhe konvikte në funksion të tyre. 

Pas detyrave të lëna 2 muaj më parë - inspektorët tanë rikthehen me verifikimet në terren për të garantuar respektimin e kushteve higjieno-sanitare në shkolla.

Ogerta Manastirliu, ministre

Më tej, Manastirliu u shpreh se do riverifikohen të gjitha institucionet arsimore nëse i kanë plotësuar detyrat e lëna nga inspektoriati, në mënyrë që shkollat të jenë gati me kushtet e duhura për fillimin e vitit të ri shkollor.

Respektimi i kushteve higjeno-sanitare është një aksion në shkallë vendi në të gjitha institucionet arsimore për plotësimin e kushteve higjieno-sanitare në shkollat 9-vjeçare dhe të mesme.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

'Shefqet Gjana, mësuesi kuksian që do të vriste Enver Hoxhën', një dëshmi e rrallë për torturat që bëheshin në hetuesitë speciale të komunizmit

'Shefqet Gjana, mësuesi kuksian që do të vriste Enver Hoxhën', një dëshmi e rrallë për torturat që bëheshin në hetuesitë speciale të komunizmit

23 Prill, 20:05 nga Admirina Peçi