Nikolla përshëndet pelegrinët në Malin e Tomorit: Nuk është thjesht ritual fetar, por koncert besimi

Kryetarja e Kuvendit, Lindita Nikolla, ka përshëndetur sot pelegrinët bektashinj që janë ngjitur në Malin e Tomorrit. Me anë të një reagimi, Nikolla thotë se pelegrinazhi nuk është thjesht ritual fetar, por koncert besimi dhe përkushtimi që shënojnë trashëgiminë e Bejtashinjve në kulturën e shqiptarëve. 

"Nga shumë krahina të vendit, nga qytete e fshatra, nga male, fusha e lugina, nga Shqipëria dhe Diaspora, qindra-mijra besimtarë e qytetarë kanë lenë përditshmërinë e tyre dhe i janë drejtuar Malit të Tomorit, këtij Froni të Perëndive, Tempulli të botës fetare të shqiptarëve, për të kryer ritet e kurbanit, faljes dhe urimet për shëndet, mirësi e paqe.

LEXO EDHE:
Ndërron jetë Mitropoliti i Beratit, Vlorës dhe Kaninës, Imzot Ignati

Pelegrinazhi në Malin e Shenjtë të Tomorit është më shumë se një ritual fetar. Është një koncert besimi, përkushtimi, sakrificash, shprese e paqeje. Jehona e gëzimit të pelegrinëve përcillet e shumëfishohet në familjet shqiptare dhe na rikujton se Atdheu, Përkushtimi e Toleranca janë vlera sipërore që shënojnë trashëgiminë e Bejtashinjve në kulturën e shqiptarëve. 

Dashuri, bekim e paqe për të gjithë!”, shkruan Kryetarja e Kuvendit, Lindita Nikolla.

Lajmi kryesor:

Mijëra besimtarë pelegrinazh në malin e Tomorrit! Pelegrinët: Lutemi për paqe e mirësi, bëjmë kurban në teqe! Festa sjell trafik të rënduar në hyrje të Beratit

TAG:
• pelegrinazhi
• Abaz Aliu
• Berat
• mali i tomorrit