POP 5

Lajmet më të lexuara të 5 minutave të fundit

Politikë

Nikolla priti Ambasadoren e Polonisë: Bashkëpunim i shkëlqyer në kontekstin transatlantik, integrimin dhe perspektivën evropiane të Ballkanit Perëndimor

Kryetarja e Kuvendit Lindita Nikolla, priti Ambasadoren e Polonisë, Monika Zuchniak-Pazdan.

Nikolla priti Ambasadoren e Polonisë: Bashkëpunim i shkëlqyer në kontekstin transatlantik, integrimin dhe perspektivën evropiane të Ballkanit Perëndimor

Kryetarja e Kuvendit, Lindita Nikolla dhe Ambasadorja e Polonisë, Monika Zuchniak-Pazdan

Kryetarja e Kuvendit Lindita Nikolla, priti Ambasadoren e Polonisë, Monika Zuchniak-Pazdan.

Ambasadorja Zuchniak-Pazdan e uroi Nikolla për zgjedhjen në detyrën e Kryetares së Kuvendit dhe shprehu vullnetin e Polonisë për të avancuar e zgjeruar bashkëpunimin dhe marrëdhëniet e shkëlqyera politike, ekonomike dhe në fusha të tjera mes dy vendeve.

Kryetarja Nikolla shprehu mirënjohjen për asistencën e Polonisë për përballimin e pandemisë, si edhe për solidaritetin e kontributin për rindërtimin e zonave të prekura nga tërmeti i 26 nëntorit.

“Shqipëria vlerëson lart mbështetjen e vazhdueshme të Polonisë për procesin e integrimit evropian të Shqipërisë, në veçanti për hapjen e negociatave, si edhe asistencën teknike të ofruar nga Qeveria polake, për përgatitjet tona për anëtarësim në BE. Polonia është një avokate për integrimin e Shqipërisë, si edhe të Ballkanit Perëndimor, edhe në kuadër të Procesit të Berlinit dhe Grupit të Vishegradit. Ndërkohë, Shqipëria vazhdon të kontribuojë për zhvillimin, stabilitetin  dhe proceset integruese në rajonin e Ballkanit Perëndimor.”, vuri në dukje  Kryetarja e Kuvendit, Lindita Nikolla.

Kryetarja Nikolla dhe Ambasadorja Zuchniak-Pazdan biseduan edhe mbi zgjerimin e bashkëpunimit parlamentar, rritjes së shkëmbimeve dhe intensifikimin e bashkëpunimit midis komisioneve parlamentare.

Gjithashtu u diskutua edhe mbi rritjen e kontributit të parlamenteve të të dy vendeve për rritjen e pranisë së kompanive polake në sektorë kyç të ekonomisë së Shqipërisë, si:  infrastruktura, transporti, bujqësia, turizmi, zhvillimi i burimeve natyrore, energjia elektrike, energjia e rinovueshme, sektori i hidrokarbureve, sistemi hekurudhor etj.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03