POP 5

Lajmet më të lexuara të 5 minutave të fundit

Politikë

Nikolla takim me ambasadorin e Egjiptit: Të bashkëpunojmë për garantimin e paqes, sigurisë e stabilitetit

Kryetarja e Kuvendit Lindita Nikolla ka pritur sot në një takim Ambasadorin e Egjiptit në Shqipëri, Mohamed Mustafa Heider.

Nikolla takim me ambasadorin e Egjiptit: Të bashkëpunojmë për garantimin e paqes, sigurisë e stabilitetit

Mohamed Mustafa Heider dhe Lindita Nikolla

TIRANË- Kryetarja e Kuvendit Lindita Nikolla ka pritur sot në një takim Ambasadorin e Egjiptit në Shqipëri, Mohamed Mustafa Heider.

Nikolla vlerësoi marrëdhëniet shumë të mira midis të dy vendeve dhe e vlerësoi Republikën e Egjiptit si një partner të  rëndësishëm për ruajtjen e paqes dhe stabilitetit  në Lindjen e Mesme.

Bashkëpunimi ekonomik mes dy vendeve, nënvizoi Nikolla, nuk i përgjigjet nivelit të marrëdhënieve politike. Shqipëria mirëpret investimet egjiptiane dhe bashkëpunimi mund të zgjerohet në sektorët e energjisë, transporit ajror e detar, bujqësisë, turizmit etj.

Nikolla u shpreh se intensifikimi i marrëdhënieve dypalëshe do t’i shërbejë edhe intensifikimit të bashkëpunimit parlamentar dhe përsëriti ftesën për Kryetarin e Dhomës së Përfaqësuesve, Hanafy Ali El Gebali, të vizitojë Shqipërinë.

Ambasadori Mohamed Mustafa Heider falenderoi Nikollën, për vlerësimin e bashkëpunimit dypalësh dhe vuri në dukje se do të punojë për fuqizimin dhe intensifikimin e marrëdhënieve midis Shqipërisë dhe Egjiptit. Në themel të miqësisë midis dy vendeve qëndron edhe kontributi i Diasporës shqiptare për zhvillimin e Egjiptit. Egjipti gjithashtu vlerëson rolin e Shqipërisë si një faktor sigurie, paqeje e stabiliteti në rajon e më gjerë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Besoni se Greqia do pranojë hapjen e grupkapitujve të parë Shqipëri-BE?

Lajme të tjera



×

Lajmi i fundit

Rekord/ Të ardhurat nga turizmi kapërcejnë 3.2 mld euro! Në kulmin e sezonit, turistët shpenzuan 1.7 mld euro në vend

Rekord/ Të ardhurat nga turizmi kapërcejnë 3.2 mld euro! Në kulmin e sezonit, turistët shpenzuan 1.7 mld euro në vend

11 Dhjetor, 15:40 nga Eliza Gjediku