Në Partinë Socialiste ka nisur sot faza e dytë e procesit ‘’Deputeti që duam’’, proces nga i cili sipas socialistëve do të dalin një pjesë e rëndësishme e kandidatëve për deputetë në zgjedhjet e 25 prillit.
Në aktivitetin e zhvilluar sot me aplikantët që kanë kaluar në fazën e dytë, të cilët janë 58, ishin të pranishëm kryetari i PS-së, Kryeministri Edi Rama, si dhe Sekretari i Përgjithshëm i PS, Taulant Balla.
Aktivitetin e hapi z. Balla i cili në fjalën e tij deklaroi se nga qindra aplikime Komisioni ka zgjedhur më të mirët dhe tashmë është radha për hapin e fundit.
”Sot realisht ndihem shumë krenar që e kemi çuar para këtë proces që ndodh për herë të parë në 30 vite. Zanafillën e ka tek Reforma Zgjedhore, që shënoi moment historik me hapjen e listave. Kjo ishte arsyeja pse u mor kjo iniciativë. Si partia më e madhe në vend, ne duam një bazë të mirë të kandidatëve, përfaqësues të komuniteteve që përfaqësojnë zonat e tyre denjësisht. Jam i entuziazmuar për interesin e lartë, të shprehur në platformën ‘”Deputeti që duam’’. Komisioni duhet të zgjidhte më të mirët në qindra aplikime. Shqipëria s’ka më asnjë lidhje tashmë me çfarë ishte 7 vite më parë. Ky rrugëtim nuk ishte aspak i lehtë. Tani me bindjen për të zgjedhur njerëzit e duhur që do sjellin ndryshime të vërteta", tha Balla.
Ndërkohë që Kryeministri Rama, teksa falënderoi fondacionin "Friedrich Ebert" për të gjithë mbështetjen, u shpreh se vetëm përmes pjesëmarrjes në politike mund të ndryshojmë gjërat.
"Duke falënderuar drejtuesen e 'Friedrich Ebert' për praninë e saj si dhe të gjithë skuadrën e organizuar së bashku me këtë fondacion për të udhëhequr edhe organizuar këtë fazë të dytë për atë që do të jenë pjesë e skuadrës së PS për betejën e 25 prillit. I falënderoj të gjithë, vajza dhe djem, që kanë kurajën dhe pasionin për të bërë atë që shumëkush e konsideron si hap të kotë ose të gabuar, të marrurit drejtpërdrejt me politikë.
Sigurisht që politika vazhdon të japë modele të këqija por nga ana tjetër politika nuk ka munguar asnjëherë përgjatë historisë së njerëzit se pa ndryshuar politikën asgjë tjetër nuk ndryshon dot në ambientin tonë të përbashkët. Politika është një forcë për mirë dhe ka lindur për të bërë së bashku gjëra që veç e veç nuk i bëjmë dot. Rreth 1600 vajza e djem, gra e burra, përgjithësisht gjenerata e re kanë shprehur interesin e tyre në mënyrë të guximshme. Nuk ka qenë e lehtë nga ana e grupit që është koordinuar nga Sekretari i Përgjithshëm për të filtruar ata që janë sot këtu për fazën e dytë.
Do ofrohet një platformë trajnimi përmes sprovave në proces, dhe në fund të këtij procesi do të zgjidhen ata që do të jenë pjesë e skuadrës sonë në çdo qark të vendit. Për ne do të jetë privilegj që të kemi bashkë në këtë betejë një pjesë prej jush që vini nga të gjitha fushat e jetës. Unë dua t'ju inkurajoj që këtë eksperiencë të re të trajnimit, me ndihmën e ekspertëve të fondacionit 'Friedrich Ebert' të përfitoni sa më shumë", tha ndër të tjera Rama.
Në Partinë Socialiste shprehen se kanë organizuar një akademi të mirëfilltë politike, në një proces që do të zgjasë disa ditë ku lektorë do të jenë përfaqësues të Parlamentit Evropian, përfaqësues të parlamenteve të vendeve të BE, politikanë të rëndësishëm e trajnerë të spikatur në fushën e shkencave politike. Në përfundim një pjesë e garuesve i bashkohen ekipit të PS për 25 prillit, kurse të tjerët që nuk kualifikohen janë të ftuar të bëhen pjesë e PS si anëtarë.
Lajme të tjera
-
Zgjedhjet e vitit 2025/ Presidenti Bajram Begaj pret nesër në konsultime për datën PD dhe PS, e mbyll me Celibashin
24 Nëntor, 19:53 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01
