POP 5

Lajmet më të lexuara të 5 minutave të fundit

Kronikë

Nis ndërtimi i një fabrike asfalti në Tropojë, pronari i afërm i kryebashkiakut! Banorët në protestë, bllokojnë rrugën

Në fshatin Dushaj të Tropojës ka nisur ndërtimi i një fabrike për prodhim asfalti, e cila mësohet se është në pronësi të Avni Byberi, i afërm i kryetarit të bashkisë Tropojë Rexhe Byberi. Kundër ndërtimit të kësaj fabrike, qytetarët janë ngritur në protestë duke bllokuar rrugën nacionale Koman-Bajram Curri nga ora 07:00 deri në 9:30 kur i ka shpërndarë policia.

Nis ndërtimi i një fabrike asfalti në Tropojë, pronari i afërm i kryebashkiakut! Banorët në protestë, bllokojnë rrugën

Banorët në protestë

TROPOJË- Në fshatin Dushaj të Tropojës ka nisur ndërtimi i një fabrike për prodhim asfalti, e cila mësohet se është në pronësi të Avni Byberi, i afërm i kryetarit të bashkisë Tropojë Rexhe Byberi. Kundër ndërtimit të kësaj fabrike, qytetarët janë ngritur në protestë duke bllokuar rrugën nacionale Koman-Bajram Curri nga ora 07:00 deri në 9:30 kur i ka shpërndarë policia.

Report Tv mëson se në protestë kanë dalë banorët e disa fshatrave Geghysen, Dushaj i Poshtëm i Epërm. Ata kërkojnë të mos ndërtohet fabrika, pra të anulohet leja që ka dhënë ministria e mjedisit.  Më herët, banorët kanë firmos një peticion me 450 firma që e kanë dërguar në të gjitha institucionet, si bashki, këshilli i qarkut, ministria e mjedisit, transporteve, kryeministri.

Shkëlqim Dushaj, i cili ka punuar 20 vite në emigracion dhe ka ngritur një bujtinë në fshatin e lindjes, tha në bisede telefonike për Report Tv se "protestat nuk do të ndalen deri në anulimin e lejes së mjedisit për fabrikën e bitumit që po ndërtohen vetëm 200 metra larg banesës dhe biznesit të tij".

Ai gjithashtu, akuzon zyrtarët e bashkisë se kanë falsifikuar dokumentet, siç janë koordinatat në hartë për të miratuar lejen e ndërtimit në Këshillin Bashkiak.

Aktualisht, sipas banorëve fabrika është në ndërtim e sipër është bërë pista dhe është lidhur energjia. Report Tv ka mësuar se fabrika e bitumit është në pronësi Avni Byberi, emri tregtar "BYBERI SHPK" ka qenë në hyrje të Valbonës dhe është çmontuar prej andej pas protestave për ndotje.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06