Nis protesta e Vetëvendosjes në Kosovë: Kundër ndryshimit të kufijve

Në Prishtinë po zhvillohet protesta e organizuar nga Lëvizja Vetëvendosje kundër ndryshimit të kufijve mes Kosovës dhe Serbisë. Tubimit në sheshin kryesor i janë bashkuar edhe individë nga partitë në pushtet. Kryetari i Vetëvendosjes, Albin Kurti është shprehur kundër idesë së Presidentit Thaçi për të rishikuar kufijtë me Beogradin.

Presidenti i Serbisë, Aleksandër Vuçiç u angazhua pak kohë më parë për ndarje ndërmjet serbëve dhe shqiptarëve në Kosovë, duke u bërë jehonë kërkesave të Serbisë për ndarjen tokësore të Kosovës në kuadër të procesit për normalizimin e marrëdhënieve ndërmjet të dy vendeve. Por gjatë vizitës në Kosovë ai u shpreh se ‘nuk është e vërtetë se dua të ndryshoj kufijtë’.

Kosova e ka hedhur poshtë idenë e ndarjes tokësore të saj, ndërsa është përfshirë ne debatet e nxitura nga ideja e presidentit të saj Hashim Thaçi për 'korrigjimin e kufirit" që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.

LEXO EDHE:
Kurti: Kryetarët në veri largohen vetëm përmes votimeve, e jo bandave

SHBA dhe BE nuk e kanë kundërshtuar idenë, por kanë kërkuar mos cenonte stabilitetin e Ballkanit, ndërsa Gjermania dhe Britania janë pozicionuar kundër. Përsa i përket Shqipërisë, Rama mbështeti qëndrimin e BE, ndërsa Presidenti Meta doli kundër rishikimit të kufijve.

TAG:
• Albin Kurti
• rishikimi i kufirit
• protesta ne Kosove

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.5%

• Nuk e di

  8.4%

Vota total: 1913

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di