POP 5

Lajmet më të lexuara të 5 minutave të fundit

Kronikë

Nis puna për realizimin e 'Skënderbeut' që do të vendoset në Budapest (VIDEO)

Gjergji Kastrioti Skënderbeu do të vendoset në parkun qendror të Budapestit, përballë statujës së bashkëkohësit të tij, heroit të Hungarisë, Janosh Huniadit.

Në muajt e ardhshëm statuja e heroit tonë kombëtar, Gjergji Kastrioti Skënderbeu do të vendoset në parkun qendror të Budapestit, përballë statujës së bashkëkohësit të tij, heroit të Hungarisë, Janosh Huniadit. Me nismë nga Bashkia e Tiranës, në Qendrën e Realizimit të Veprave të Artit, skulptori Agim Rada ka nisur punën për realizimin e monumentit të Skëndërbeut, i cili më pas do të vendoset në kryeqytetin e Hungarisë, në shenjë nderimi dhe kujtimi për miqësinë dhe bashkëpunimin që heroi ynë ka pasur me Huniadin, por edhe për miqësinë që vijon mes dy popujve dhe dy kryeqyteteve.

Kreu i Bashkisë së Tiranës, Erion Veliaj falenderoi artistin Rada për punën që po bën dhe theksoi se realizimi i kësaj vepre është një premtim i mbajtur ndaj Bashkisë së Budapestit, e cila pret që ta vendosë atë në parkun kryesor të qytetit. “Jam shumë i lumtur që duararti Agim Rada ka marrë përsipër të riprodhojë bustin e Skënderbeut për ta vendosur në Budapest. Është një mënyrë se si mbajmë një premtim ndaj miqve tanë, për të promovuar këtë miqësi të lashtë midis Skënderbeut dhe Janosh Huniadi. Bashkia e Budapestit ka përcaktuar vendin dhe presin nga pala jonë që t’u çojmë një bust. Nuk mund të mendoja një skuadër më të mirë se sa Agim Rada dhe duarartët e tij, që të realizonin këtë vepër dhe besoj se në pranverë do jemi gati për ta çuar në Budapest, për të mbajtur fjalën, por sigurisht edhe për të çuar në fund një amanet nga të parët tanë, për të përkujtuar këtë lidhje dhe aleancë shumëvjeçare", tha kryebashkiaku Veliaj.

Kreu i Bashkisë së Tiranës, Erion Veliaj me artistin Agim Rada

Ai u bëri thirrje gjithashtu skulptorëve dhe arkitektëve të tjerë që bashkëpunojnë me Bashkinë e Tiranës për të zbukuruar qytetin me veprat e tyre. “Ne jemi të përkushtuar që ndonëse kjo qendër nuk është në varësi të bashkisë, ta subvencionojmë që të kemi mundësi të porosisim punë të ngjashme. Ndonjëherë tërhiqemi nga të huajt, kemi një lloj ksenofilie, na habisin vetëm gjërat që bëjnë të huajt, ndërkohë zbulojmë se art, talent, pasion, kemi edhe këtu mes nesh, mjafton ta promovojmë dhe t’i trajtojmë me të njëjtin respekt artistët tanë, siç respektojmë artistët e huaj. Me vjen mirë që në Bashkinë e Tiranës e kemi bërë këtë balancë, pra kemi arkitektë të huaj me famë, por kemi edhe arkitekte shqiptarë të cilët po lulëzojnë”, tha Veliaj.

Skuptori Agim Rada premtoi se do ta mbarojë në kohë veprën, ndërsa u shpreh se busti që do të realizohet do të mbështetet mbi statujën e realizuar më parë nga i madhi Odhise Paskali.

Kreu i Bashkisë së Tiranës, Erion Veliaj me artistin Agim Rada

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emanuel: 20/02/2019 16:17

    E meriton Gjergji i Madh e i paharruar qe te vendoset ne Hungari, aq me teper qe ka qene shok arme, bese e feje me Janosh Huniadin e famshem. Po tragjiko-komikja ketu eshte se e perurojne turqit shqipfoles serbo - thrakasin e Lavdishem.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Pasdite në kopshtin e shtëpisë', 'Servili i Grave' dhe 'Hana, vajza që kapi diellin', tre librat e rinj në rubrikën 'Në librari'

'Pasdite në kopshtin e shtëpisë', 'Servili i Grave' dhe 'Hana, vajza që kapi diellin', tre librat e rinj në rubrikën 'Në librari'

24 Nëntor, 10:50 nga Blerina Goce