Nis rehabilitimi i Spitalit Infektiv në QSUT, duke filluar nga sot të gjitha urgjencat e COVID-19 do priten te ish-urgjenca kirurgjikale

TIRANË- Në spitalin infektiv i njohur si covid 1, ka nisur rikostruksioni i plotë pas dy viteve pandemi. Investimi me vlerë prej 5.6 milion euro parashikon dyfishim të kapaciteteve të reanimacionit dhe të repartit të urgjencës.

Ministrja e Shëndetësisë tha se janë marrë të gjitha masat për sigurimin e shërbimit për pacientët e sëmurë me koronavirus të cilët po marrin trajtim pranë spitalit Covid 3.

“Përsa i përket planit të përgjigjies në aspektet e gjithë shërbimit spitalor, tashmë të gjithë pacientët që janë në trajtim, janë transferuar në spitalin Covid 3. Një riorganizim është bërë me drejtorinë e QSUT për të pasur të gjitha materialet, mjetet e nevojshme, në mënyrë që të mos kemi asnjë problematikë për të bërë të gjithë atë trajtim që ndodhte në Spitalin Infektiv. Përsa i përket numrit të shtretërve në spitalin Covid3 është aktualisht i bollshëm për rastet që kemi aktualisht.”

LEXO EDHE:
Pr.ligji për shëndetin riprodhues e nënat surrogate, ministrja i përgjigjet opozitës: U hodh në konsultim publik, reflekton praktikat ndërkombëtare

Invesitimi tha Manastirliu do ta kthej këtë spital në një qendër reference për trajtimin e sëmundjeve infektive.

“Investimi në Spitalin Infektiv është një investim i cili është planifikuar në kuadër të planit tonë të përgjigjies ndaj pandemisë Covid19 dhe impaktit të saj, por edhe për t’iu përgjigjur emergjencave të tjera, për t’a bërë Spitalin Infektiv një qendër të vërtetë reference për sëmundjet infektive.”

Kapaciteti i plotë i këtij spitali do të jetë 118 shtretër. Spitali i ri do të jetë i pajisur edhe me auditor dhe salla leksioni për studentët e mjekësisë.

/Sh.Sh/Shqiptarja.com

TAG:
• koronavirus ne shqiperi
• COVID-19
• QSUT
• ministria e shendetesise
• Infektivi
• spitali infektiv