POP 5

Lajmet më të lexuara të 5 minutave të fundit

Kultura

Nis restaurimi i shtëpive të Vangjush Mios e vëllezërve Içka në Korçë, bonusi i rijetëzimit të dy godinave historike, 6 milionë lekë

Me një bonus prej 6 milionë lekësh ka nisur puna e projektit të rijetëzimit të 2 godinave historike, shtëpisë së piktorit “Vangjush Mio” në Korçë dhe ajo e vëllezërve Icka në lagjen e vjetër të “Toplecit”, në Pogradec.

2 godina historike, shtëpia muze e piktorit të parë impresionist shqiptar “Vangjush Mio” në Korçë dhe ajo e vëllezërve Icka në lagjen e vjetër të “Toplecit”, në Pogradec e njëjta ku ka banuar dikur Mitrush Kuteli dhe poeti Lasgushi Poradeci po i nënshtrohen projektit të rijetëzimit.

Me një fond financiar mbështetës 6 milion lekë në total bonusi i rijetëzimit të dy ndërtesave historike përfshin ndërhyrje për konservim, restaurim, rijetësim të pjesshëm ose të plotë. Për Drejtorin Rajonal të Trashëgimisë Kulturore në Korçë, Gjergji Koki qëlllimi i projektit restaurues është ruajtja e arkitekturës origjinale të këtyre objekteve.

“Për herë të parë vijmë me një program ambicioz siç është bonusi i rijetëzimit, për të bërë të mundur që këto banesa të shpëtojnë nga degradimi dhe të kthehen në objekte të vizitueshme të trashëgimisë. Janë 6 banesa që kanë përfituar në qarkun e Korçës. Është një program që financon direkt trashëgiminë dhe bën të mundur që të krijohen modele shumë të mira sa i përket promovimit të vlerave të trashëgimisë kulturore siç është rasti i banesës së Vangjush Mio, ku për herë të parë janë hapur dhe tre salla të reja ku mund të ekspozohen piktura. Gjithashtu në Pogradec ka nisur puna për restaurimin e banesës së vëllezërve Icka që është unike në llojin e vet”, tha Gjergji Koki Drejtor i DRTK Korçë.

Monument Kulture i kategorisë së I-rë, banesa e Vëllezërve Icka, një ndër ndërtesat karakteristike të qytetit të Pogradecit ka shërbyer dikur si punishte e mjeshtërisë së drurit, zanat të cilin e kanë trashëguar ndër breza banorët e banesës së Içkallarëve.

Shtëpia e piktorit korçar Vangjush Mios daton prej vitit 1840. Me pikturat dhe arkitekturën e veçantë kjo banesë historike është ndër më të vizituarat në qytetin juglindor të Korçës.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55