Festivali Ndërkombëtar i Koreve që nis këtë mbrëmje dhe do të përfundojë më tre tetor, ka sjellë në Tiranë grupe këngëtarësh nga Italia, Holanda, Hungaria e më gjerë.
 
Në mjediset e resortit “Stela”, ku do të mbahet festivali takojmë grupe koristësh të ardhur nga Kalabria. 

"Ka qënë kënga më e vjetër Më e Bukura More që është prej 500 vitesh" shprehet arbëreshi Stefano Mazzuca
 
Pjetër Guralumi, menaxher i festivalit rrëfen per perfomancat e tre netëve
 
"Kemi një performancë të korit hungarez pastaj dy koret hollandesë. Koha që përshkruhet është nga mesjeta deri në ditët e sotme" shprehet Guralumi.
 
Shkëmbimi i traditave kulturore është një temë tërheqëse edhe për artistët e korit të Roterdamit.
 
 “Ky është një projekt i koreve që të këndojmë së bashku dhe për grupin tonë interesante është se do të këndojmë për Dario Fo që është dramaturg, aktor dhe shkrimtar i madh. Nje peronalite shuëm i dashur në vendin tonë,” shprehet  holandezja Annemarie Willems.
 
 “Unë kam dëgjuar shumë muzikë shqiptare dhe më ka pëlqyer, është një muzikë e veçantë, sepcifike dhe kjo muzikë do të jetë në harmoni me muzikën tradicionale që sjellim nga vendi ynë”, rrëfen holandezi Eilfred Renëan
 
 Takojmë më tej edhe këngëtaret e grupit Eger të Hungarisë që shprehin mirënjohjen për organizatorët. Ato janë befasuar kur kanë dëgjuar muzikën shqiptare.

Redaksia Online
e.m/Shqiptarja.com