Nis të enjten për besimtarët myslimanë Muaji i Ramazanit! Zyrtari i KMSH: Ky muaj është  i bekuar, nuk është për dietë

Të enjten e 23 Marsit besimtarët myslimanë nisim muajin e Ramazanit. Ky muaj i cili është më i bekuari në kalendarin islam, për drejtorin e kulturës në KMSH Dorian Demetja  jep si shpërblim për besimtarët pastrimin shpirtëror dhe ruajtjen e vlerave morale.

“Është një muaj i bekuar, një muaj i rëndësishëm për myslimanët që e presin me padurim gjatë gjithë vitit për vetë faktin që mund të themi është si një “dush’ shpirtëror, ky muaj në të cilën besimtari hyn një herë në vit për të dal më pas i pastër nga mëkatet dhe gjynahet.”- tha Dorian Demetja, drejtor kulture, në KMSH.

Teksa tregon rregullat e agjërimit Demetja tregon se ky muaj nuk është mirë të shërbejë si dietë dobësimi, por si mision për të zbukuruar sjelljen e individit.

“Çdo adhurim që kryhet kërkon në radhë të parë besimin. Pra një person duhet të besoj pastaj duhet të adhuroj. E them këtë se mund të kemi raste te njerëzit që kanë dëshirë të agjerojnë agjërojnë ose kanë dëshirë të bëjnë diçka akoma pa e ditur për çfarë bëhet. Janë disa persona që thonë që mbajnë agjërim për dietë, por agjërimi nuk mbahet për dietë. Ne e mbajmë sepse është një urdhër i Zotit , pastaj ka të mira shëndetësore e shoqërore është dhuratë nga i madhi Zot që i jep të agjëruarit.” tha Dorian Demetja, drejtor kulture, në KMSH.

Edhe fëmijët kanë shfaqur interes të lartë për të agjëruar. Demtja ndan me ne rastin e djalit të tij vetëm 13 vjeç që vitin e kaluar agjëroi gjithë muajin

“Kur ka qenë më i vogël, ka mbajt me ditë. Vet psh ka mundur sepse unë e kam pyetur , jam interesuar çdo ditë dhe e kam pyetur si është ndier dhe ka shkuar shumë mirë dhe me lehtësi.” -tha Dorian Demetja, drejtor kulture, në KMSH.

Muaji i Ramazanit përfundon më 20 Prill ndërsa nata e Kadrit këtë vit është në datën 17 Prill. Falja  e Bajramit në datë 21 Prill pritet të bëhet edhe këtë vit në sheshin Skënderbej ku festa do të jetë e dyfishtë pasi Komuniteti mysliman në Shqipëri feston 100 vjetorin e themelimit.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/03/2023 00:14

    Po cfare diete per te dobesuar eshte Ramadani,kur agjeron gjithe diten dhe pastaj i ha te gjitha ne darke! Personalisht mendoj se kreshma e besimit kristian ( the lent)eshte me e veshtire,sepse heq dore gradualisht nga ushqimet si mishi,bulmeti,yndyrnat shtazore dhe ne fund del fizikisht i shkundur fare.Nese eshte nje agjerim qe te dobeson,ky eshte. Ha tere diten dhe se ndien veten kurre te ngopur.Une e mbajta nje here te tere,por ishte shume e veshtire,keshtu qe tani maksimumi 3-7 dite e mbaj.Do kellqe,perkushtim,vendosmeri e mbi te gjitha,besim te madh kjo pune dhe veten nuk e fus ne asnje nga keto cilesime.

    Përgjigju
  • Tahipi prap: 20/03/2023 22:45

    Se harrova ishallah ti fal gjynahet zoti atij iqoshim fal

    Përgjigju
  • agron: 20/03/2023 19:03

    O hoxh dumdum, per diete agjeroni ju hoxhallaret se nuk beni pune tjeter por lexoni kuranin faleni 5/6 here ne dite dhe ngroheni ne diell,kurse ne bejme nga 2/3 pune per te ngrene dhe lare kredite dhe agjerojme tere vitin se skemi kohe as te ham buke.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet