Kinematografia si mjet ndërgjegjësues, Festivali Ndërkombëtar i Filmit për Të Drejtat e Njeriut në Shqipëri, rimerr misionin e saj e ngre siparin të hënën në orën 19.00.
“18 vite më parë kur ne e nisëm këtë Festival, ishte një kohë tjetër për Shqipërinë, por ende ka probleme e vështirësi për të cilat duhet të diskutojmë. Dhe ky Festival Filmi është një tribut për komunitetin shqiptar dhe të drejtat e tyre”, thotë Theodore Orlin President Nderi i Filmit.
“Një ngjarje e cila ka një rëndësi të madhe edhe për vendin tonë sepse gjithmonë të drejtat e njeriut mbeten për tu elaboruar më tej, në mënyrë të tillë që të arrihen standardet e të nevojshme për ne të gjithë”, thotë kineasti Kujtim Çashku, drejtor i festivalit.
Në këtë edicion të 17-të, siç prezantohet në ambientet e “Marubit”, fokusi vihet tek “Rinia dhe të Drejtat e Njeriut”.
“Një vend të rëndësishëm në format e komunikimit zë bota virtuale. Ata që e frekuentojnë më shumë janë të rinjtë, kështu që kanë një fushë më shumë të hapur për të hapur çështje që kanë të bëjnë me të drejtat e njeriut, jo vetëm në vendin tonë por edhe më gjerë se sa kaq”, thotë Çashku.
Publikut vendas, do ti jepet mundësia të shikojë disa filma premierë në Shqipëri.
“Siç e dini ato shfaqen këto ditë në kuadër të Festivalit dhe nuk rijepen sërish”, thotë regjisori duke ftuar spektatorin ti bashkohet kësaj ngjarje kinematografike.
Luftës në Ukrainë, i dedikohet një hapësirë e veçantë, përmes shfaqjes së 5 filmave nga ky vend. Për këtë vit janë përzgjedhur 37 filma nga 3200 që kanë aplikuar, mes të cilëve produksione si “Blanche” për të nxitur diskutimin mbi trafikun e qenieve njerëzore, “Deaf”, për sensibilizimin mbi të rinjtë me aftësi ndryshe e të tjerë, ndërsa nga kineastët shqiptarë do të shfaqet filmi i Flonja Kodhelit “Ka me kalue” dhe “Mbjellja e Pemëve” e Fabio Seferit.
Lajme të tjera
-
Të drejtat e Njeriut në 49 filma, Festivali nis me Italinë, Casile: Flasin në mënyrë fantastike për ju! Tek Autoriteti në 57 minuta vrasjet nga UDB në tokën gjermane
19 Shtator 2023, 17:00
-
Shkenca dhe Arti/ Tarifa: Qeveria nuk konsultohet me shkencëtarët për politikat! Ruka: Jemi ‘në hije’! Xhufi: Nëpër studio, pellazgollogë të diplomuar për veterinari
23 Mars 2023, 21:35 -
Nis sot Festivali Ndërkombëtar i Filmit, çelet me dokumentarin e regjisorit të njohur botërisht Giuseppe Tornatore
24 Shtator 2022, 07:39 -
11 vite pas vdekjes, një rrugë me emrin e aktorit të madh Agim Qirjaqi në Tiranë! Veliaj: Frymëzues për brezat e rinj
28 Janar 2021, 14:03 -
Filmi shqiptar rrëmben dy trofe në Festivalin Europian në Leçe
9 Nëntor 2020, 16:34
-
Në 11 ditë 41 filma/ Festivali i të Drejtave të Njeriut mbyll siparin (VIDEO)
25 Shtator 2020, 16:42
-
‘Dhuna ndaj grave dhe fëmijëve’, 41 filma në Festivalin e të Drejtave të Njeriut (VIDEO)
15 Shtator 2020, 15:28
-
Festivali i të Drejtave të Njeriut ngre siparin tek “Marubi”, kineasti: Në fokus dhuna ndaj grave dhe fëmijëve!
11 Shtator 2020, 17:02
