“E Vërteta, Pandëshkueshmëria dhe të Drejtat e Njeriut”, përmes 49 filmash. Me këtë slogan nis edicioni i 18 i Festivalit Ndërkombëtar të Filmit për të Drejtat e Njeriut në kinemanë e Akademisë së Filmit dhe Multimedias “Marubi”, nën udhëheqjen e themeluesit të kësaj ngjarje regjisorit Kujtim Çashku dhe me praninë e Presidentit të Nderit të IHRFFA-s, Theodore Orlin.
“Është krijuar pas Luftës së Dytë Botërore Karta e OKB-së ku shtetet zotohen se s’do të ketë më akte agresioni. Dhe ne tani jemi dëshmitar të një agresioni të tillë, ndaj nëse nuk i përgjigjemi, edhe përmes artit, atëherë dhe të drejtat e njeriut do të vdesin!”, u shpreh Orlin gjatë çeljes së Festivalit.
Mbrëmjen e së hënës publiku pati mundësi të shikojë filmin Italian “Marrëzi martese” me regji të Demetrio Casile. Satira e pamëshirshme shënjestron përmes ironisë sistemin arrogant që prodhon padrejtësi sociale…
“Duhet të dini që në Itali është krijuar një konsideratë shumë e mirë për mënyrën se si po zhvillohet kinemaja në Shqipëri. Për këtë unë pata një kënaqësi të pamatë kur më ftuan këtu. Sepse shumë kineast italianë po punojnë me regjisorë shqiptarë dhe flasin të gjithë në një mënyrë fantastike për kinematografinë shqiptare “, tha Casile i pranishëm në hapjen e festivalit.
Një dokumentar therës produksioni gjermano-kroat, “Urdhra vrasjesh nga Beogradi” i Dragan Kotic, premiera e të cilit u shfaq sot në sallën “Musine Kokalari” të Autoritetit të Dosjeve…
Në 57 minuta, shpalosen përmes dëshmive të fëmijëve, të afërmve dhe miqve, vrasjet e mërgimtarëve kroatë nga shërbimi sekret i ish-Jugosllavisë në tokën gjermane… Ngjarjet shtrhen nga ’45-a në vitin 1990, dhe mes viktimave janë edhe fëmijë 3 apo 9 vjeç.
Nga këndvështrimi i viktimave rrëfehet, paranoja e sistemit të Titos, ngjashëm me atë të diktatorit shqiptar Enver Hoxha, që siç tregojnë dëshmimtarët shihte kudo armiq të jashtëm e të brendshëm, tentativat për të fshehur krimet, por edhe bashkëpunimi që gjetën në Republikën Gjermane…
Prej 2005-ës nga autoritetet gjyqësore në Mynih, po bëhen hetime, për të zbardhur këtë kapitull të përgjakshëm shënjuar nga ish-Jugosllavia e shërbimi sekret i UDB-së
“Urdhra vrasjesh nga Beogradi”, u shfaq dhe u diskutua në praninë e aktivisteve, studiuesve dhe institucioneve partnere në fushën e të drejtave të njeriut. Festivali i organizuar nga Akademia “Marubi” do të vijojë deri në 23 shtator.
Lajme të tjera
-
Dëshmia e anëtarit të “Grupit të Ballshit”, që mbrojtën Mehmet Shehun në ’82-in
27 Tetor, 22:00 -
'Dosja K'/ Zhivko Petroviç, 17-vjeçari i arratisur në Kosovë, si ra në kurthin e Sigurimit
15 Tetor, 21:06
-
Shkrimi i panjohur i 'Washington Post' në vitin 1986: Refuzimi i ashpër i Ramiz Alisë ndaj Moskës, pas vdekjes së Enverit! Ndryshimi ka filluar...
6 Tetor, 18:59
-
‘T’i shtrydhën trutë putanat’, Kujtimet e panjohura të Lasgush Poradecit për Enver Hoxhën: Kur erdhi nga Parisi, kolegët e tallnin ‘Tutkun’
2 Tetor, 11:22 -
Zhvarrimi i Enver Hoxhës dhe konfliktet me Berishën! Arben Manaj në Esencë-Report Tv
27 Shtator, 21:13
-
‘Na e vranë Hysninë’, Misteri i dosjes sekrete të Hysni Kapos, me shënimin e Enver Hoxhës
24 Shtator, 22:17
-
Ngjarja e panjohur që çuditi DASH: Në qershorin e ’87-ës, kur autoritetet shqiptare shpëtuan nga mbytja një jaht amerikan me 4 persona në bord dhe i lanë të lirë, Uashingtoni…
23 Shtator, 20:53
-
Kineastë dhe gazetarë të njohur nga Britania dhe Gjermania 'zbarkuan' në arkivin e ish-Sigurimit të Shtetit
20 Shtator, 22:20 -
Alban Daci: Shqipëria s'ka pas fashizëm, por vetëm komunizëm!
18 Shtator, 09:33
-
Dalin dokumentet e CIA: Pse ra plani për eleminimin e Nexhmije Hoxhës?!
1 Shtator, 19:26 -
Frrok Çupi: Ca pyesin cili ishte më i keq, Enveri apo Saliu?
30 Gusht, 12:29
-
Rreth 15 mijë shqiptarë u arratisën në diktaturë! Et'hem Fezollari: Ne si familje e kishim vendosur, ose vdesim të gjithë, ose jetojmë të lirë të gjithë!
28 Gusht, 15:51
